ميعاد إصدار الثلاثية الجديدة لـGTA وأخبار تانية في الملخص الأسبوعي
انتهى الأسبوع اللي فات بعدد من الأخبار المهمة في عالم الألعاب ولكن خلونا نبدأ بأهمهم وهو إنه من ساعات قليلة جدا، تم الإعلان بشكل رسمي معاد إطلاق Grand Theft Auto: The Trilogy – The Definitive Edition أو ثلاثية GTA واللي هيكون في 11 نوفمبر الجاي للنسخة الرقمية، أما نسخة الـCD هتكون في 7 ديسمبر الجاي، حسب موقع Rockstar
اللعبة هيتم إصدارها على أجهزة PlayStation 5, Xbox Series X|S, Nintendo Switch, PlayStation 4, Xbox One, and PC via the Rockstar Games Launcher بسعر 60 دولار أمريكي.
والمفاجأت بتتوالى ولكن للجيمرز اللي بيستخدموا الكمبيوتر، لعبة God of War، تم الإعلان عن قدوم اللعبة للحاسب الشخصي في 14 يناير الجاي بسعر 49.99 دولار، يعني بـ785 جنيه مصري تقريبا.
اللعبة على الحاسب الشخصي هيكون ليها مميزات كتير زي: دقة عرض 4K، معدل إطارات مفتوح وغير محدد، دعم تقنيات الـDLSS و REFLEX وSSDO و GTAO مع دعم وحدات التحكم الخاصة ببلايستيشن 4 و 5.
وفي الأسبوع اللي فات كان في كلام عن الإتحاد الدولي لكرة القدم وشركة EA بخصوص فيفا وحقوق الاسم في لعبة فيفا.
الجديد بقى، إن الإتحاد نشر بيان بخصوص الموضوع ده، هو مكنش فيه كلام مباشر عن القصة الأساسية، ولكن الإتحاد لمح عن إنه مش راضي عن اللي بيحصل في الفترة الحالية بخصوص سوق ألعاب كرة القدم، وإن الإتحاد عايز يدي مساحة أكبر لأطراف تانية إن يكون معاها النشر، وده معناه إن الإتحاد عايز يتعاون مع شركات تانية تعمل ألعاب كرة قدم، وتنهي سيطرة شركة EA.
بعيدا عن حوارات لعبة فيفا، شركة EA حاليا بتتعاون مع ماركوس ليتو، أحد مبتكرين لعبة Halo، عشان يفتحوا ستوديو جديد في الولايات المتحدة لتطوير ألعاب التصويب من منظور الشخص الأول.
الكلام ده أعلن عنه ماركوس بنفسه عبر حسابه الموثق على تويتر، وقال في نهاية التغريدة إنه في أخبار تانية هيقولها قريب عن الموضوع ده.. نسأل الله التساهيل.
Hey everyone, I’m very excited to announce that I’ve joined @EA as a Game Director, building a new studio in the Seattle area working on first-person games. I can’t wait to share more about what we’re creating! pic.twitter.com/GnfVFNLSaW
— Marcus Lehto (@game_fabricator) October 19, 2021
في أخبار عن إن شركة Ubisoft بتطور جزء جديد من السلسلة المعروفة “Splinter Cell” واحتمال يتم الاعلان عنها خلال السنة الجاية.
الكلام لسه مش أكيد ولكن نأمل ده وبشدة الحقيقة.
شركة CD PROJEKT RED أعلنت عن تأجيل تحديث الجيل الجديد للعبة Cyberpunk 2077 و لعبة The Witcher 3 للسنة الجاية.
الأولى هيتم إطلاق تحديثها في الربع الأول من عام 2022 والتانية هيكون في الربع التاني من السنة نفسها
والبيان قال إن التأجيل ده بيجي بناءً على توصيات الفرق المشرفة على تطوير اللعبتين.
IMPORTANT PRODUCTION UPDATE pic.twitter.com/KOnaIVOt4v
— CD PROJEKT RED (@CDPROJEKTRED) October 20, 2021
