أذكى تجميعة اتعملت على ميم “عوضنا على الله نجيب غيره”

انتشر الفترة الأخيرة على السوشيال ميديا ميم من لقطة في كارتون لأب بيزق ابنه وبيرميه، وتم استخدام الميم ده في كذا سياق أولهم في سكة التخلص من حاجة أنت مش عايزها أو هتجيبلك مشاكل، أو في سياق حاجة مالهاش لازمة وبيتكتب على الصور دي “عوضنا على الله نجيب غيره” وانتشرت برضه صورة الميم بشكل تاني وهي مكتوب عليها “عوضنا على الله نخلف غيره” ودي بمواقف مختلفة لأب ابنه بيعمل أي موقف وهو مش مقتنع بيه.

الميم ده أصله بدأ من فيلم “Luca” اللي بيحكي عن طفل هو وحش بحر وعنده القدرة إنه ياخد شكل إنسان لما بينزل الأرض والطفل بيستكشف مع صاحبه “ألبرتو سكورفانو” مدينة ساحلية على مدينة “الريفيرا” الإيطالية واللقطة اللي اتاخد منها الميم كانت بعد ما هربوا للأرض وأهلهم نزلوا الأرض عشان يدوروا عليهم وأثناء ما أبوه اتأكد إن الطفل البشري ده ابنه رماه في المياه عشان يرجع لحياته تاني.

أول مرة كانت تظهر اللقطة دي ويتم استخدامها في الميمز كانت في 7 يوليو 2021 وده بعد نشر الفيلم على “Tumblr” يوم 6 يوليو، وأول واحد استخدم الميم ده كان على موقع “Reddit” بعد ما شبه اللقطة بالمشهد الشهير من فيلم “Spartans of Greece”.

وبمناسبة انتشار الميم من فترة، جمعنالك أذكي ميمز اتعملت عليه في مصر: