أصل ترندات “عليت واحد واطي” و”تيجي نتجوز بالسر” ومين اللي بيغنيهم!

أكبر غلطة بحياتي، عليت واحد واطي.. واطي واطي واطي واطي!

الكوبليه ده من أغنية، تريند بقاله فترة على كل منصات السوشيال ميديا وناس كتير بتعمل عليه Lipsync ومولع الدنيا على تيك توك بالذات

@fahad.alhamsi أكبر غلطة بحياتي #ريم_السواس #فهد_الحمصي ♬ الصوت الأصلي – فهد الحمصي ☑

وبعد انتشاره وبعد ما الناس حفظته وبقيت تغنينه بسبب ومن غير سبب بقوا يسألوا هي مين بقى المغنية دي.. خصوصًا إن صوتها جديد وطريقتها في الغنا جديدة والفيديو انتشر أوي مرة واحدة.. فدورنا ورا الأغنية والمغنية عشان نعرفها سوا

​​

المغنية اسمها ريم السواس، وهي مطربة وفنانة لبنانية معروفة في لبنان وفي بعض الدول العربية وبتعمل حفلات غنائية كتير في دول عربية مختلفة.

جزء من أغنيتها “أكبر غلطة بحياتي” بقت تريند وهي بتغنيها في حفلة من حفلاتها واللي بتقول فيها: أكبر غلطة بحياتي عليت واحد واطي.. واطي واطي واطي واطي واطي واطي.. طيبة قلبي مشكلتي.. دمرتلي حياتي”

ريم السواس اتشهرت بالغنا الشعبي انتشرت أغانيها بسبب طريقتها الجديدة في الغنا.. ريم من مواليد مدينة طرابلس في لبنان ومش معروف لحد دلوقتي سنها بشكل مؤكد.

ريم السواس قدمت أغاني شعبية كتير اللي اتميزت بيها عن غيرها من الأغاني الشعبي ومن أغانيها أغنية يا شيخ، وأغنية الأسيرة سنة 2008.. وفي سنة 2009 غنت أغنية بس اسمع مني،  وأغنية الحق عليك، وترجيتك، وعزني، وما مليت.. ومن أهم أعمالها في سنة 2022 كسر عضم، وميلي يا حلوة ميلي، واسمع مني يا ولد.

من ضمن أعمالها: 

1- أغنية شعراتو ولو  

2- أغنية عالي مزاجي عالي

3- أغنية لونك وطن لحتلك

4- أغنية ارجعلك صعبة صعبة

5- أغنية تدري موت

6- أغنية عصفورة النهوندية

7- أغنية عم أشربك يا كاس

8- أغنية نحنا زلم جد الجد

ناس كتير سمعت الكوبليه ده وبدأوا يستخدموه في فيديوهاتهم وانتشر جدا، وبدأوا كمان يدخلوا على بروفايلات المطربة ويشوفولها حاجات تانية وأغاني تانية.

ومحدش قادر يحدد اشمعنا الكوبليه ده بالذات اللي انتشر بس يمكن عشان المرتبطين بيفشوا غلهم في إكساتهم.. أو يمكن عشان أدائها كان كوميدي على المسرح وهي بتغني.

@reem_alsawas اكبر غلطة بحياتي 😌 #ريم_السواس #reem_alsawas #الزعيمة ♬ original sound – ريم السواس

وانتشر كوبليه من أغنية تانية بيقول “تيجي نتجوز بالسر؟ تيجي ناخد بيت بعيد؟” وبقيت تريند زي حبيت واحد واطي والتريندين دخلوا في بعض وناس كتير افتكرت إن هي ريم السواس اللي بتغني الأغنية دي لكن طلعت أغنية تانية اسمها “تيجي نتجوز بالسر” اللي وبتغنيها “سارة الزكريا” وغالبا الناس افتكرتهم واحد عشان صوت المطربتين قريب من بعض جدا.

سارة الزكريا اللي غنت “تيجي نتجوز بالسر” وانتشر ليها فيديو في حفلة وهي بتقول: “إلى حبيبي المستقبلي.. ساكساكيوزمي من الجميع.. لأن أنا لا حبيب.. ولا صديق.. وكلب ماكو ما عندي.. تيجي نتجوز بالسر.. تيجي ناخد بيت بعيد”

@justt.listen الى حبيبي المستقبلي😂 #سارة_الزكريا #حالات_واتس #fyp ♬ original sound – Just listen 🎧

طب مين بقى سارة الزكريا دي كمان؟

مطربة لبنانية برضه، سبحان الله، يعني التريندين طالعين من نفس البلد، وصوتهم قريب من بعض، ونفس خفة الدم والقبول اللي خلى الناس كلها تشير أغنية كل واحدة منهم وتبقى تريند.

سارة عندها 29 سنة.. بدأت حياتها الغنائية بإنها كانت بتغني أغاني لمطربين معروفين زي فضل شاكر وإليسا وراغب علامة.. وبعد كده اتجهت للغناء الشعبي واتميزت بأدائها فيه، وده اللي ساهم في شهرتها السريعة في لبنان وعدد من البلاد العربية.

من ضمن أعمالها:

1- الله يهدك جبلهم

2- مضغوطين ولضغطهم

3- أنت يلي كل الناس

4- قلبي بدو صيانة

5- لما بتكون غايب