إيه العلامات اللي تقولك انت مصاب بمرض الغدة الدرقية وإيه المضاعفات لو طنشتها؟

إمبارح 25 مايو وهو يوم الغدة الدرقية واختاره العالم للتوعية بخطورة أمراض الغدة الدرقية وأعراضها.. والغدة دي موجودة في الجزء الأمامي السفلي من الرقبة.. وحسب الإحصائيات فالنساء أكثر عرضة للإصابة بأمراض الغدة الدرقية 8 أضعاف مقارنة بالرجالة.. عشان كده هنتكلم عنها باستفاضة أكتر.

في البداية يعني إيه مرض الغدة الدرقية؟

بتحصل بشكلين: إما زيادة مستوى إنتاج الغدّة الدرقية للهرمونات.. فبيستخدم الجسم الطاقة أسرع من المفروض في حالة اسمها فرط نشاط الدرق..
أو عدم إفراز الغدّة الدّرقيّة هرمونات كفاية.. فبيستخدم الجسم الطاقة أبطأ من المفروض وبتتسمى الحالة دي قصور الدرق.. وبيصيب مختلف الأعمار.

طب إيه أعراض الإصابة بمرض الغدة الدرقية عند البالغين؟

• الشعور بالتعبر والإرهاق • زيادة الحساسية تجاه البرودة

• الإمساك         • جفاف الجلد

• زيادة الوزن       • انتفاخ الوجه

• خشونة الصوت       • خشونة الجلد.. وخشونة الشعر وخفته

• ضعف العضلات أو آلامها وتيبُّسها

• غزارة نزف أكثر من المعتاد في الطمث أو عدم انتظامها

• بطء سرعة ضربات القلب أو ما يُعرف ببطء القلب

• الاكتئاب ومشكلات الذاكرة واضطرابات النوم

• مشاكل في الرؤية أو تهيّج العين

وإيه أعراض الغدة الدرقية عند الأطفال؟

• مشكلات التغذية     • ضعف النمو وتضخُّم اللسان

• بطء في زيادة الوزن    • الإمساك

• جفاف الجلد    • بكاء بصوت مبحوح

• اصفرار الجلد وبياض العينين ومعروفة باسم اليرقان

• انتفاخ أو تورم رخو بالقرب من السرة والحالة دي اسمها الفتق السري

وأسباب الإصابة إيه؟

• التهاب الدّرقيّة المناعي المُزمن أو “هاشيموتو” وغير مؤلم وبيصيب الجهاز المناعي وممكن يكون وراثي

• التهاب الدرقية بعد الولادة .. 5-9 % من النساء بيتصابوا بعد الولادة وفي أغلب الأحيان بيكون حالة مؤقتة

• نقص اليود الذي يُصيب حوالي 100 مليون شخص حول العالم.. أو زيادة اليود بشكل مفرط من تناول بعض الأدوية

• يعاني واحد من كل 4 آلاف مولود من الغدّة الدّرقيّة الخاملة وإن لم تعالج هذه المشكلة يصاب بتخلف بدني وعقلي

• يمكن أن تؤدي جراحة استئصال الغدة الدرقية كلها أو جزءًا منها إلى خفض قدرتها على إنتاج الهرمونات الدرقية أو توقفها عن إنتاجها تمامًا

مضاعفات أمراض الغدة الدرقية

بينصح بملاحظة الوظائف الحيوية لجسمك باستمرار وتزور الدكتور لو شوفت أي علامة من علامات الإصابة بأمراض الغدة الدرقية.. لأنها هتشكل خطر لو أهملتها والأزمة تفاقمت.. وممكن تؤدي لأمراض القلب والكلى وإلتهاب المفاصل وهشاشة العظام وممكن تؤدي للعقم في بعض الحالات. عشان كده بينصح بزيارة الطبيب لو لاحظنا أي حاجة من الأعراض وعمل التحاليل.

وفي النهاية بنتمنى لكم السلامة كلكم وتكونوا بأفضل صحة