إيه اللي نيمار بيعمله مع ناديه الأول سانتوس؟

نيمار بيلعب دور مع المنقذ مع فريق طفولته سانتوس وبيسجل هاتريك ضد يوفينتودي في الجولة قبل الأخيرة من الدوري البرازيلي.. طب هو عمل إيه بالظبط؟

نيمار سجل 5 اجوان في آخر 3 ماتشات لعبهم مع سانتوس عشان يساعد الفريق إنه يبقى في المركز الـ 14 في ترتيب الدوري البرازيلي بـ 44 نقطة.. بفرق نقطتين عن المراكز المؤدية للهبوط وقبل جولة واحدة من النهاية.

ولو ماتعرفش فـ نيمار بيشارك رغم إصابة في الركبة.. حسب شبكة “ESPN Brasil”  أعلنت الأسبوع اللي فات إن نيمار محتاج جراحة بالمنظار في الركبة ومحتاج راحة لحد آخر شهر ديسمبر

ونيمار بيتحامل على نفسه عشان صعوبة موقف سانتوس في جدول ترتيب الدوري البرازيلي.. سانتوس هيلعب مباراته الجاية قدام كروزيرو فجر الأحد الجاية ومحتاج لنقطة واحدة عشان يضمن البقاء بشكل رسمي

تفتكروا هل نيمار هيقدر يساعد سانتوس على البقاء في الدوري؟