إيه هو السبب إن البرازيل تعمل أكبر مصنع في العالم لإنتاج “البعوض الزاعج أو المصري”؟
يوم 19 يوليو اُفتتح مصنع “وولبيتو دو برازيل” اللي بتدعمه وزارة الصحة البرازيلية في مدينة كوريتيبا وهو مشروع مشترك بين برنامج البعوض العالمي ومؤسسة أوزوالدو كروز ومعهد بيولوجيا جزئية واللي بيقدر ينتج 100 مليون بعوضة أسبوعيًا.. طب إيه السر؟
السبب وراء عمل أكبر مصنع لإنتاج البعوض:
الشركة المنفذة للمصنع قالت إنها بتحاول تحمي 140 مليون شخص من مرض معين وهو “حمى الضنك” وهي أعراضه شبه أعراض الإنفلونزا وممكن الشكل الشديد من الحمى ده يؤدي لنزيف وانخفاض مفاجئ في ضغط الدم “صدمة” والوفاة
أسباب انتشار الحمى وكيفية الحماية:
الرئيس التنفيذي للشركة “لوتشيانو موريرا” قال إن الشركة هتقدر تحمي حوالي 7 مليون شخص في البرازيل كل 6 شهور.. مرض حمى الضنك بينتشر شعبيًا باسم حمى كسر العظام بسبب الألم الصعب اللي بيسببه
إصابات قديمة بسبب الحمى والعلاج
حسب الصحة البرازيلية ومنظمة الصحة العالمية توفي 6297 شخصًا بسبب المرض ده في البرازيل السنة اللي فاتت.. ونفس الكلام قالته المنظمتين الصحيتين عن إن البعوضة الزاعجة “البعوضة المصرية” أو الدبان بيحمل بكتيريا اسمها “الولبخيا – Wolbito” ودي بتمنع الإصابة بحمى الضنك
مدير الإنتاج في شركة وولبيتو دو برازيل “أنطونيو برانداو” بيقول: “لا تعيش بكتيريا الولبخيا Wolbito إلا داخل خلايا الحشرات.. لذا إذا ماتت حشرة ماتت معها” وده عشان يأكد إن الطريقة دي طريقة آمنة “توجد بكتيريا الولبخيا في أكثر من 60% من الحشرات في الطبيعة.. ولم تتفاعل قط مع البشر لقرون”
أما طريقة نشر البعوض هتكون عن طريق عربيات مليانة بعوض وهتنشره بشكل مكثف في المناطق اللي منتشر فيها حمى الضنك
وفي النهاية قالت منسقة العمليات الإقليمية: “إن المنطقة المختارة داخل البلدية تعتمد على حالات الإصابة بحمى الضنك.. وبالتالي فإن الأحياء التي بها أعلى معدل إصابة بين الأشخاص المصابين بحمى الضنك هي الأحياء ذات الأولوية”
