إيه هي ظاهرة القمر العملاق؟

إمبارح كان القمر شكله مختلف، باين بشكل أكبر وأكتر سطوع أو إضاءة وده ما يسمى بالقمر العملاق.

بحسب موقع طقس العرب، فا القمر العملاق أو الـ Supermoon مصطلح بيطلق على القمر لما يكون القمر بدر أو مكتمل، وبيكون موجود في أقرب نقطة للأرض في مداره البيضاوي حوليها وبتسمى الحضيض أو Perigee وأبعد نقطة بتسمى الأوج أو Apogee وبيكون القمر المكتمل بدر صغير بيسمى بالـ Micromoon

وشكل القمر العملاق بيكون أكبر بنسبة تتراوح ما بين 12.5% لـ 14.1% من البدر الصغير وأكبر من البدر بنسبة 6.9%.

وبحسب موقع وكالة ناسا، مصطلح القمر العملاق أطلقه العالم الفلكي ريتشارد نول سنة 1979.

ولو ملحقتش تشوفوا إمبارح، فا القمر العملاق هيظهر تاني يوم 30 أغسطس 2023

وبحسب تصريح عالم الفلك الإيطالي جيانلوكا ماسي لوكالة أسوشييتد برس، فا ظهور اتنين قمر عملاق في نفس الشهر كانت في 2018 وغير متوقع إنها تتكرر تاني غير في عام 2037