إيه هي قصة ظهور بحيرة بالبهنسا في صحراء محافظة المنيا

يوم الجمعة 5 سبتمبر أعلنت محافظة المنيا رصد تجمع مائي في منخفض صحراوي بنطاق مركز بني مزار في منطقة البهنسا.. فتعالوا نعرف تفاصيل الموضوع

حسب تقرير مركز المعلومات ودعم اتخاذ القرار بعد الفحوصات والتحاليل لعينات المياه بمعرفة الجهات المختصة النتائج وضحت إن المياه دي ناتجة عن تسربات جيولوجية طبيعية

المياه فيها نسبة ملوحة مرتفعة جدًا وده بيخليها غير صالحة تمامًا للاستخدام سواء الآدمي أو الحيواني أو الزراعي وأكدت كمان إن التجمع المائي ده مفيهوش أي خطورة في حد ذاته

وحسب ExtraNews البحيرة اتكونت بسبب إن طبقات الأرض في بني مزار بتتميز بارتفاع الشقوق والفتحات وده اللي أدى لتحرك المياه الجوفية لحد ما وصلت لمنطقة منخفضة والمياه اتجمعت عندها ومع مرور الوقت كوّنت البركة دي

وكمان المحافظة أكدت إن الموقف يخضع لمتابعة مستمرة بالتنسيق مع جهات معنية تانية.. والتحذير من الاقتراب أو الاستخدام للمياه دي بأي شكل حرصًا على سلامة المواطنين وإن الأمور تحت السيطرة ومفيش داعي للقلق