استعراض أسلوب لعب Call of duty: Modern Warfare III وأخبار تانية في الملخص الأسبوعي
مساء أو صباح الخير على جيمرز جلوكال حسب وقت قراءتكم للموضوع ده، ده ملخص الأسبوع اللي بنتكلم فيه عن أهم الأخبار اللي حصلت خلال الأسبوع اللي فات في عالم الفيديو جيمز وما يخصه، وخلونا نبدأ الملخص بأهم حدث خلال الأسبوع وهو حفل Gamescom واللي خلاله تم عرض والاعلان عن ألعاب مختلفة.
لعبة Call of duty: Modern Warfare III ظهر لها أول فيديو لأسلوب اللعب في اللعبة.
وبنفكركم إن نسخة البيتا هتكون متاحة من 8 لـ 10 أكتوبر حصريا لبلايستيشن وبعدها من 14 لـ 16 لجميع المنصات
لعبة Assassin’s Creed Mirage ظهر لها فيديو جديد لأسلوب اللعب وكان مدبلج باللغة العربية وبصوت الشخصية الرئيسية “باسم بن إسحاق” واللي بيأدي صوته الممثل “إياد نصار”
اللعبة هيتم إصدارها 5 أكتوبر الجاي على جميع المنصات
وتم الكشف عن تحديث جديد للعبة Cyberpunk 2077 وهيضيف تحسينات كتير للعبة ده بالإضافة للتوسعة الجديدة اللي بعنوان Phantom Liberty وهتصدر في 26 سبتمبر الجاي وهتضيف كتير للعبة
ورجعت من جديد لعبة Delta Force بتاعت زمان، وخلال الفعالية تم استعراض أسلوب اللعب للعبة
وخلال الفعالية تم استعراض أسلوب اللعب في لعبة السيارات The Crew Motorfest
وتم الكشف عن الموعد الرسمي لإطلاق لعبة Tekken 8 خلال فعالية Gamescom واللي هيكون في 26 يناير 2024 على جميع المنصات.
بعد صفقة استحواذ Microsoft على شركة Activision، لاعبين Xbox كانوا بيتوقعوا إن كل أجزاء Call of duty وألعاب Activision هتكون متاحة على مكتبة الـ Game Pass أول ما الصفقة تتم، ولكن ده مش صحيح.
فيل سبنسر، رئيس Xbox قال في تصريح لموقع IGN إن الموضوع مش هيكون بالسهولة ودي وهياخد شوية وقت.
