اعرف شخصيتك من طريقة مسكة الموبايل

غالبًا الإنسان مننا طول الوقت عايز يعرف جوانب عن شخصيته.. وده بيحصل بالمواقف والتصرفات.. وفي ظل التقدم التكنولوجي الجميل اللي إحنا فيه.. خلاص ماحدش يقدر يستغنى عن موبايله.. بس هل فكرت إن مسكة الموبايل ممكن تقول حاجات عن شخصيتك؟ تعال نشوف دراسة نشرها موقع times of india بتقول إيه

مسكة الموبايل بإيد واحدة واستخدام الإبهام

وفي الحالة دي بنستخدم الإبهام في نفس الإيد اللي ماسكين بيها.. 

ده بيدل على إن روحك مرحة وبتحب تهزر وعندك ثقة بالنفس قوية.. وعارف قيمة نفسك مش مهتم تثبت حاجة لحد.. ومش بتهزك تحديات الحياة بسهولة.. وكمان بتواجه الحياة من غير صياح كتير.

مسكة الموبايل بالإيدين واستخدام إبهام واحد

انت شخصية بتميل للتعامل مع الحياة بحذر.. ودايما بتتوقع الأسوأ عشان تقلل من احتمالية وقوع الخسائر.. وممكن تتعاطف مع اللي حواليك وتتأثر بحالتهم.. وشخصية ذكية اجتماعيًا وبالتالي عندك موهبة ملحوظة لفهم الناس حواليك.

مسكة الموبايل بالإيدين واستخدام الإبهامين 

انت تتمتع بطاقة عالية.. وشخص لا تبالي وبتحب تتنزه عن العبث وبتكبر دماغك وعندك قدرة على تحليل الموقف بسرعة بشكل يبهر اللي حواليك دايمًا ومش بتتكسف تغير حاجة مش عاجباك سواء في نفسك أو في غيرك.. كمان مش بتحب تضيع وقت وحازم.. وبتعرف تعرف تدير الأمور بشكل ذكي.

مسكة الموبايل بإيد واحدة واستخدام السبابة بالإيد التانية

عندك مستوى عالي من القدرة على التحمل العقلي والنضج.. لو داخل على خطوة أو تجربة جديدة بتحب تدرسها من كل النواحي الأول.. بس برضه أحيانًا بتتهور في قرارتك.. وعندك قدرة هايلة إنك تمسك نفسك وماتنفعلش في المواقف المستفزة.