اعرف شخصيتك من فصل السنة المفضل ليك

مع كل دخلة صيف أو شتا بنلاقي الخناقة اللي ما بتخلصش وهي: “ياريت محبين الصيف/ الشتا يكونوا فرحانين دلوقتي”.. بس على الرغم إنها خناقة كليشيه لكن خلتنا ناخد بالنا من حاجة مهمة عن شخصياتنا.. وفيه علماء عملوا أبحاث عن التفضيلات الموسمية ولقوا إن فيه أسباب حقيقية عن تفضيلنا لفصول سنة معينة

ليه بنفضل فصل عن التاني؟

درجات الحرارة والضوء المتغيرة بتأثر على مشاعرك وسلوكك.. ده غير  إن كمان الموسم اللي اتولدت فيه بيأثر على شخصيتك وده عشان كل فصل من السنة ليه شوية مميزات كده زي البيئة والثقافة كمان اللي بتساعد في تطوير شخصيتك.. ويمكن عشان كده بتسمع إن فيه ناس بتكتئب في الشتا.. تعالى بقى نقولك فصل السنة المفضل ليك بيقول إيه عن شخصيتك  

• الصيف 

لو من محبين الحر  والصيف والبحر فانت اجتماعي ومتفائل وبتعرف تعبر كويس..  والحرية أهم حاجة بالنسبالك.. وبتحب الحفلات والضحك ودمك خفيف وبتعرف تاخد قرارات كويس.. ولو انت من مواليد الصيف فانت بتحب الاستكشاف والمغامرات والسفر وأي نشاط بيحصل بره البيت

• الخريف

بتهتم بالتغيير زي ما أوراق الشجر في الخريف بتتغير.. وواعي جدًا لكل حاجة حواليك وعندك ذوق فني جميل.. بس بتأوفر ثينك كتير  وبتحب الصدق ومعندكش مشكلة إنك تغامر.. وزي ما الخريف ألوانه غامقة فبيكون عندك سنة دراما وبتنفعل بسرعة بس بتلاقي الجمال في أي تغيير بيحصل

• الشتاء

لو بتحب تكتكة الشتا فانت بتحب تقدر الوقت اللي انت مخصصه لنفسك.. ومتعلق بالبيت بشوية قهوة على كنبتك وتبقى ملك زمانك.. ومابتحبش تخرج بره منطقة الراحة بتاعتك.. وعندك غموض كده بس عاوز تحقق أحلام كتير.. وصحابك قليلين وده عشان انت انطوائي

• الربيع

بتوزع طاقة وتفاؤل وأمل على الناس.. وبتعرف تتكيف مع أي تغيير وبتحب التجديد وتجرب حاجات مختلفة.. وانت شخص بسيط في التعاملات وعندك مرونة كبيرة وكل الناس بتحبك.. وأكبر ميزة ليك إنك مبدع وبتعرف تجيب الديب من ديله لأي منكش