اكتشاف لقاح روسي لسرطان القولون
كلنا عارفين القولون وأهميته في حياتنا عمومًا ولكن فيه حاجة اسمها سرطان القولون واللي كان بيصيب الناس الكبيرة في السن لكن في العقود الأخيرة بقى يصيب الشباب وحسب “Russia today” قالت إن روسيا اكتشفت لقاح لسرطان القولون.. فتعالوا ناخد جولة في تفاصيله
حسب Economictimes وحسب Ndtv وحسب Indiatoday
إيه هو اللقاح؟
روسيا أعلنت إن اللقاح بتاعها واللي اسمه “إنتروميكس – Enteromix” أثبت فعاليته وسلامته بنسبة 100% في التجارب البشرية الأولية اللي جربوها.. وده من خلال إنه لما اتجرب تقنية الحمض النووي الريبوزي “إنتروميكس” مع المرضى حصل انكماش لحجم الورم بدون آثار جانبية
تم تطوير المرسال “mRNA” وهو نفسه اللي مستخدم في لقاحات كوفيد-19 وهو مصمم عشان يدرب الجهاز المناعي للتعرف على الخلايا السرطانية ويقضي عليها وبديل أكتر أمانًا وذكاءً من العلاج الكيميائي
التجارب
شملت 48 متطوعًا وأجراها المركز الوطني الروسي مع معهد اسمه “انجلهارت للبيولوجيا الجزيئية والتجربة تعتبر نقلة نوعية بعد ما تم الإعلان عنها في منتدى سانت بطرسبرج الاقتصادي الدولي سنة 2025.. واللقاح يعتبر على بعد خطوة واحدة من الحصول على الموافقة الرسمية لوزارة الصحة الروسية
تطوير اللقاح “Enteromix”
اللقاح أعلنت رئيسة الوكالة الفيدرالية للطب والبيولوجيا ووزيرة الصحة الروسية السابقة “فيرونيكا سكفورتسوفا” إنه قعد تحت تجارب استمرت لمدة 3 سنوات ومنها الدراسات السريرية الإلزامية وإنه جاهز دلوقتي والباحثون لاحظوا انخفاض في حجم ورم السرطان وتباطؤ تطوره بنسبة تترواح بين 60 لـ 80%
ولأن العلاج بيكون مصمم بشكل شخصي.. كل جرعة بتتعمل مخصوص على حسب الجينات الخاصة بالورم عند كل مريض وده بيعتمد على مؤشرات حيوية وخوارزميات ذكية بتقدر تحدد أنماط الطفرات
التأثير العالمي له
بالنسبة للعالم كله فهو اكتشاف مهم جدًا لأن التحول من العلاجات الواسعة النطاق والقاسية إلى العلاجات مناعية أكتر أمانًا والمصممة خصيصًا ممكن يقلل من الآثار الجانبية ويحسن النتائج
وله تأثير أكبر بالتحديد في الهند وده لأن من الأسباب الرئيسية والمنتشرة جدًا في الهند هي سرطان القولون والمستقيم وعن الرحم.. فده معناه إنه هيكون حاجة مفيدة لدولة الهند
في النهاية وكعادة أي حاجة جديدة لازم يبقى فيه حذر واحتياطات منها لأن النجاح المبكر مش لازم يأكد المعلومات إنها فعاليتها طويلة الأمد أو إنها ممكن تتعمم وفيه حاجات كتير لازم نستنى نشوفها.. لكن ده مايمنعش أهمية الاكتشاف وإنه بداية طريق مهم جدًا لعلاج سرطان القولون
