بمناسبة يوم التوعية بسمكة القرش.. اعرف 15 حقيقة عنها!
الفترة اللي فاتت حصلت الحادثة إياها بتاعت سمكة القرش وظهر بعدها شوية عبث مابين رد فعل الناس في مكان الحادثة لما طلعوا السمكة وضربوها .. وكمان النصايح العبثية زي احمي نفسك من القرش ولو هاجمك بص له في عينه هيخاف.. وسمك القرش اتغير معانا وبقى يهاجمنا وحاجات من دي..
والنهاردة في يوم سمكة القرش جمعنالك شوية معلومات وحقائق عن القروش عشان ماتبقاش من الناس اللي بتفتي دي.. وفقًا لموقع: ناشيونال جيوجرافيك و americanoceans و surfertoday و noaa fisheries و treehugger و facts.net :
- عدد أنواع القروش بيوصل لـ520 نوع.. لكن خمس العدد ده بس اللي معروفين
- أسماك القرش ظهرت لأول مرة في المحيط منذ حوالي 425-455 مليون سنة وفقًا للحفريات اللي عثر عليها العلماء في أمريكاوأستراليا وبتمثل 5% من الأنواع اللي نجت من الانقراض
- متوسط العمر الافتراضي لمعظم أنواع أسماك القرش 20 سنة والقرش الشوكي 100 سنة
- أكبر سمكة قرش تم العثور عليها على الإطلاق كانت قرش الحوت بطول 41.5 12.6 متر وأصغر سمكة قرش هو القرش الفانوس القزم طولها15 سم
- قرش رأس المطرقة عنده مجال رؤية 360 درجة
- أسماك القرش أحيانًا تضع البيض خارج جسم الأم… وفيه أنواع تانية البيض بيفقس داخل الأم أجنة سمكة قرش النمر الرملي بتاكل بعضها داخل رحم الأم
- القروش بيرجعوا مسقط رأسهم عشان يتكاثروا
- القروش عندها مستقبلات كهربائية على أنفها بتقدر تعرف بيها أماكن الكائنات الحية على مسافات بعيدة وده بيسهل عليها الهجوم على فريستها
- نقطة ضعف سمكة القرش هي خياشيمها
- أسرع قرش هو ماكو قصير الزعنفة.. ويقدر يسبح بسرعة 104.6 كيلومترات/ الساعة
- القروش بتعيش في المياة المالحة.. لكن سمك القرش الثور بيعيش في العذبة
- الوجبة الأساسية للقروش بتكون الأسماك والقروش الأصغر منها والفقمة
- معظم أسماك القرش عندها نظام رؤية ليلي قوي من طبقة أنسجة في عينيها اسمها tapetum بتخليها تشوف كويس في المناطق المظلمة أو المياه العكرة
- بيموت كل سنة 100 سمكة قرش بسبب عمليات الصيد التجاري
- أسماك القرش البيضاء بتقدر تقفز ثلاثة أمتار في الهواء
