الجديد عن مسلسل The Last of Us وقائمة الألعاب المجانية لـ PS Plus وأخبار تانية في الملخص الأسبوعي
أحلى مساء على جيمرز جلوكال، ده الملخص الأسبوعي اللي بنتكلم فيه عن أهم الأخبار اللي ليها علاقة بالفيديو جيمز اللي حصلت في الأسبوع، هنبدأ الملخص بمسلسل The Last of Us
أيام قليلة بتفصلنا عن عرض المسلسل يوم 15 يناير، مخرج السلسلة الشهيرة “نيل دراكمان” قال إن المسلسل هيكون أفضل عمل مستوحى من لعبة فيديو في مقابلة مع صحيفة New Yorker وبيتمنى إن المسلسل يكون نهاية لعنة المشاريع المستوحاة من ألعاب الفيديو.
بدء تحضير الجزء الثاني من لعبة Deathloop
ده اللي قاله جيسون كيلي، المؤدي الصوتي لدور “كول” بطل اللعبة، خلال بث مباشر مع “أوزيوما أكاجا” اللي عملت دور “جوليانا”، لما قال إنهم بيعملوا صوت شخصياتهم مرة تاني ولكن مفيش أي تفاصيل إضافية وده اعتبره البعض تلميح لوجود جزء جديد من اللعبة
الألعاب المجانية لمشتركين Playstation Plus لشهر يناير
أعلنت سوني من خلال موقع Playstation عن قائمة الألعاب المجانية للمشتركين في خدمة PS Plus لشهر يناير، الألعاب هتتوفر من اليوم 3 يناير وهتستمر لحد 6 فبراير المقبل، والقائمة فيها:
Star Wars Jedi: Fallen Order | PS4, PS5
Fallout 76 | PS4
Axiom Verge 2 | PS4, PS5
مبيعات سلسلة Gran Turismo تتفوق على Uncharted و God of War
احتفالا بمرور 25 سنة على إطلاق لعبة Gran Turismo في اليابان، نشرت سوني على موقع PlayStation خبر عن تجاوز مبيعات السلسلة 90 مليون نسخة متفوقة على حصريات PS لكلا من Uncharted و God of War
