الطفل محتاج إيه من أهله في كل مرحلة عمرية؟

سواء كنت أب أو أم جداد أو حتلى قدام دايما بتفكروا إيه أحسن طريقة نربي بيها أولانا.. إزاي نطلعهم أسوياء؟ مش ناقصهم حاجة ولا ناقصهم حب واهتمام ورعاية.. عشان كده النهاردة تعالوا نشوف أزاي نتعامل مع الأطفال في كل مرحلة عمرية على حسب احتياجاتهم وشعورهم

الأطفال من (الولادة إلى سنتين):

1- الاهتمام بالطفل: الأطفال في المرحلة دي بيكونوا معتمدين بشكل كامل على الأب والأم وبيحسوا بالقلق مع غياب الأب والأم حتى في أوضة تانية وسابوهم مع شخص بيحبوه زي جدتهم.. عشان كده ضروري مانغيبش عنهم ساعات طويلة لأن ماينفعش يحسوا بالإحباط أو الاهتمام بيهم قل.

2- الروتين الثابت: لأنهم بيحسوا بالإرهاق مع تغيير روتينهم أو المكان اللي بيقعدوا ويناموا فيه.. الروتين للطفل بيحسسوا بالأمان والاستقرار

3- التواصل: رغم إنهم مش بيعرفوا يتكلموا إلا إن لغة التواصل بتاعتهم المشاعر وبيحسوا جدا بالكلام اللي بنقوله ليهم.. وبيلاحظوا مشاعر الحزن أو الفرحة أو الغضب وهكذا.. فضروري مش بس نظهر مشاعر إيجابية مع الطفل.. كمان بين الأب والأم لأن المشاعر دي بيفهمها وبتنعكس على حالته النفسية.

4- الاستجابة السريعة: أحيانا الطفل بيدخل في نوبة غضب يعيط أو يرفض الأكل أو يرفض النوم.. فضروري نعرف إيه هو السبب ونحتويه ونعالجه..بدل ما يحس بالإحباط.

أطفال ما قبل المدرسة (3-5 سنوات):

1- الصبر: الأطفال في المرحلة دي بيكون عند بحب الاستكشاف والفضول والعناد وكمان فقرة الأسئلة الكتير (إزاي وليه وفين وامتى).. عشان كده الأب والأم بيحتاجوا يكونوا صبورين ويقدرو يخوضوا مغامرات الطفل ويخلوا بالهم منه منعا لوقوع كوارث.

2- الاهتمام باللعب المشترك: عشان بيحصلهم تطور بدني وبيبقى عندهم طاقة.. ضروري الأب والأم يلعبوا معاه ومايكبتوش الطاقة دي جواه.. ووضع حدود واضحة لكن بحب عشان نفسيته.

3- تشجيع على التعبير عن مشاعره بالكلام: في المرحلة كان بيحصل تطور لغوي.. فكويس تشجيع الطفل يتكلم ويعبر عن اللي مزعله واللي مفرحه أو اللي بيضايقه من تصرفات معينة سواء مع الأهل أو الشخص الغريب.

4- التشجيع: رغم إن الطفل في العمر بيحس إنه عايز يستقل عن الأب والأم.. إلا إنه برضه بيستنى كلمة تشجيع منهم على حاجة حلوة بيتعلمها زي الرسم أو الشخبطة مثلا..  والتشجيع هنا على المحاولات مش بس النتائج.. وتجنب التهديد والضرب لأنه بيخزن ده جواه.

أطفال المدارس الابتدائية المبكرة (6-12 سنوات):

1- تعليمهم رياضة: عشان الطفل في الوقت ده بيكبر ونمو العضلي والحركي بيتطور.. فالكويس له إن يمارس رياضة معينة تساعده على خروج الطاقة دي ويتفاعل اجتماعيا ويكون علاقات.

2- الاهتمام: برغم دخوله المدرسة وإنه بيتعلم وبيتفاعل اجتماعيا.. إلا إن دور الأسرة لا غنى عنه بالعكس بيقوي إدراكه وبيشجعه على تنمية مهاراته.

3- الاستماع ليهم: بما إن الاجتماعيات عند الطفل بتزيد فقصصه بتزيد.. عشان كده ضروري نشجعهم يحكوا عن يومهم ونمعهم كويس.. وممكن نعمل حركة زي إننا نبدأ إحنا نحكي عن يومنا عشان نشجعهم هم كمان يحكوا.

4- الاحتواء وعدم المقارنة: الطفل كما بيحصله نمو إدراكي يعني ممكن يضايق من موقف ممكن مود يتغير بدون سبب.. فالمطلوب من الأب والأم عدم تعنيف الطفل ويكونوا جنبوا ويطبطبوا عليه ويحتووه.. ولو عمل حاجة غلط أو دراجته مش أعلى حاجة ماينفعش نقارنه بقرايبه أو زمايله عشان نفسيته.

سن المراهقة من (13-17 سنة):

1- الاحترام: المرحلة دي هي أكتر مرحلة الطفل بيحس فيها بالاستقلالية وبيكون واقع في حتة بين إنه مش طفل ولا شخص كبير وعنده عالم خاص بيه اهتمامات ورغبات ودوافع مختلفة حتى عن التربية بتاعته.. فضروري الأب والأم يساعدوهم يعبروا من غير سخرية وينصحوهم من غير عنف.

2- دعم عاطفي: رغم إن الطفل في الوقت ده بيحاول يخرج من عباءة أبوه وأمه وأنه عايز يفرض شخصيته وأنه مش محتاج اهتمام.. لكن بالعكس وجود الأب والأم في المرحلة دي تحديدا هتفرق في مستقبل الطفل وتوجهاته.. هتفرق في تشجيعه على الحاجة الكويسة وتوجيهه ومساعجته إنه يبعد عن شئ مؤذي.

3- عدم المراقبة المبالغ فيها: الطفل في المرحلة دي موته وسمه إنه يلاقي الأب والأم بيمارسوا دور التسلط وفوق دماغه في كل حاجة.. فبيضطر يعند ويكسر كل توقعاتهم كنوع من أنواع التمرد والرفض.. لكن على الأب والأم المراقبة بذكاء وبهدوء بطريقة ماتخلهوش يحس بده. أو يصاحبوه عشان هو اللي يحكي كل حاجة.

4- الثقة: لو علمنا كل اللي في النقط اللي فاتت.. ضروري نحسسوا إننا واثقين فيه.. واثقين إنه لما يغلط هيعرف يتصرف+ نصيحتنا له.. ضوروري نحسسه إننا عارفين إنه في مرحلة الاستكشاف وإننا حواليك لو طلبتنا. كل ده هيخليه يطلع سوي قادر يواجه أي حاجة بعد كده.