بعد قرعة كأس العالم.. حاجات جديدة عن نظام البطولة

امبارح كانت قرعة كأس العالم 2026 واللي اتعملت في مركز كينيدي بواشنطن وخرجت منها معلومات مهمة هتكون حاضرة في البطولة ورئيس الفيفا إنفانتينو وضح لينا تفاصيل عن البطولة زي مثلًا عدد المنتخبات اللي هتشارك وطبيعة المباريات اللي كلنا خايفين منها خصوصًا اللي في أمريكا عشان كلنا تقريبًا شوفنا اللي حصل في مونديال الأندية.. عاصفة جاية.. وسحابة معدية وإلخ.. المهم كشف لينا برضه جوائز جديدة هتتقدم للاعبين الشاطرين
إيه الجديد ؟

‎ إنفانتينو أكد إن نهائي البطولة يكون فيه عرض بين الشوطين مستوحى من الـSuper Bowl في كرة القدم الأمريكية.. حاجة هتخلي جمهور العالم كله متابع على الآخر.. وده رأيه لحد دلوقتي.. وكمان تم الإعلان عن الشكل الجديد لجائزة رجل المباراة لكل مباراة

‎والمباراة الافتتاحية هتكون بين المكسيك وجنوب إفريقيا يوم 11 يونيو 2026 في مدينة مكسيكو وهي فرصة للجماهير لمتابعة انطلاق المونديال من البداية ودي في المجموعة الأولى اللي فيها المكسيك وجنوب إفريقيا وكوريا الجنوبية والمتأهل من الملحق الأوروبي “4”

نظام نيولوك

هيشارك في المونديال 48 منتخب ودي لأول مرة تحصل واتقسموا على 12 مجموعة كل واحدة فيها 4 منتخبات بزيادة 4 مجموعات عن النسخة اللي فاتت 2022 اتلعبت في قطر وكسبتها الأرجنتين .. المهم هيتأهل من كل مجموعة أول وتاني كل مجموعة وكمان هيتأهل أفضل 8 منتخبات كانت المركز الثالث من ناحية النقاط طبعًا لكن هيودع البطولة أسوأ 4 منتخبات احتلت المركز الثالث بالإضافة إلى 12 منتخبا حلت في قاع كل مجموعة من الـ12 وده طبيعي
وبالتالي كده الدور التالي هيكون فيه 32 منتخب هيلاعبوا بعض وبعدين نوصل لدور الـ16 بس فيه استغراب عام في نظام المونديال.. لأن النظام أثار حيرة الناس لأن سيمنح فرصة أكبر للمنتخبات بالتأهل من المجموعات وده من وجهة نظر الناس هيقلل من تنافسية البطولة بشكل عام

كما أثار استحداث دور الـ32 الاستغراب برضه بوضع دور إضافي يسبق دور الـ16 الكلاسيكي الشهير.. فانتقد المتابعين توسيع المونديال بشكل غير ضروري وبهدف اعتبره الكثيرين لزيادة المباريات والدخل العام للبطولة مع التقليل من قوة المنافسة
ولو عايز تعرف البطولة هتتلعب في كام ملعب فالإجابة.. 16 ملعبا في الدول الثلاث أمريكا وكندا والمكسيك على أن يكون النهائي في الولايات المتحدة وده شىء بديهي يعني.. وستستمر البطولة 40 يوم بزيادة 10 أيام عن معدل النسخ الأخيرة
‎طب باقي المقاعد فين ؟

‎لحد دلوقتي 6 منتخبات مكانها لسة مش محسوم وهيتحدد مصيرهم في شهر مارس الجاي وعشان تبقى فاهم أكتر.. 4 منتخبات منهم هييجيوا من ملحق الاتحاد الأوروبي (UEFA) وده فيه منتخبات زي: ألبانيا والبوسنة والهرسك والتشيك والدنمارك وإيطاليا وكوسوفو وإيرلندا الشمالية ومقدونيا الشمالية وبولندا، جمهورية أيرلندا ورومانيا وسلوفاكيا والسويد وتركيا وأوكرانيا وويلز.
‎المقعدين الآخرين بقى هيتحددوا من خلال الملحق العالمي اللي هيلعب فيه 6 منتخبات وهم: بوليفيا والكونغو الديمقراطية والعراق وجامايكا وكاليدونيا الجديدة وسورينام.

‎مبيعات التذاكر

‎الرئيس الأمريكي دونالد ترامب حضر طبعًا الحفل “ماتفتهموش العيبة” وعلق على المونديال وقال إن مبيعات التذاكر تحطمت كل الأرقام القياسية وإن أكثر من مليون تذكرة بيعت لجماهير من 212 دولة وكمان خلال الحفل نفسه تسلّم ترامب أول نسخة من FIFA Peace Prize جائزة فيفا للسلام من إنفانتينو وهي جائزة جديدة خالص أعلن عنها الفيفا في النسخة