بلاي ليست بأشهر أفلام الـ cowboy
![](https://theglocal.com/wp-content/uploads/2024/07/Website-Thumb-12.png)
بمناسبة إن النهاردة يوم الـ Cowboy جمعنالكوا بلاي ليست رايقة بأجمد أفلام اتكلمت عنهم هترجعكوا لزمنهم من تاني.
1-The Good, the Bad and the Ugly
الفيلم أحداثه بتدور خلال الحرب الأهلية الأمريكية.. عن 3 رجالة بيدوروا على كنز من الفلوس المدفونة قالهم عليه شخص بيحتضر وبيحاولوا كلهم يوصلوا للكنز وسط تصاعد الأحداث وحالة الحرب في المكان.
2-Django Unchained
الفيلم بتدور أحداثه في تكساس سنة 1858م.. وبيتكلم عن اتنين من تجار الرقيق في الغابات بيقودوا مجموعة من الرقيق.. ومن ضمن الرقيق جانغو اللي تم فصله عن زوجته وبيقابل دكتور كينج وبيعملوا صفقة مع بعض بس بيكتشف أسرار عنه.
3-Once Upon a Time in the West
الفيلم بتدور أحداثه في مدينة خيالية في الغرب وبتحصل فيها خلاف على قطعة أرض بتخلي الأحداث تتصاعد بينهم وبتأدي لمقتل العيلة صاحبة الأرض لكن بيكتشفوا بعدها إن في مالكة للأرض موجودة!.
4-Dances With Wolves
الفيلم بيحكي قصة “دنبار” وهو ملازم في الجيش.. بيشتغل في تحصين المعسكرات.. لكن بيتعرض لقبيلة من الهنود الحمر وبيكون صداقة معاهم ومع ذئب.
5-The Quick and the Dead
الفيلم بيحكي عن “إلن” اللي بتوصل لبلد صغيرة ومابتقولش لحد سبب وجودها وبتبدأ تحضيرات لمبارزة بالسلاح في المدينة وبتكتشف أسرار وقتها.
6-Unforgiven
الفيلم بتدور أحداثه في مدينة “بيج ويسكي” واللي بيتم فيها وضع جايزة مالية للي يقدر يقتل اتنين من الكاوبوي.. وبيحاول “بيل ماني” الكاوبوي المتقاعد إنه يلاقيهم.
7-The Magnificent Seven
الفيلم بيحكي عن مجموعة من الأشخاص الخارجين عن القانون بيروحوا مدينة بغرض مساعدة أهلها مقابل المال بسبب استغلال أهل المدينة من الأشرار .. لكن الأشخاص بيعرفوا حاجات عن نفسهم مكانوش عارفينها خلال رحلتهم.
8-No Country for Old Men
الفيلم بتدور أحداثه في تكساس .. بعد اكتشاف بقايا عملية تهريب مخدرات من ضمنهم مجموعة من اللي اتقتلوا خلال صفقة التبادل.. وبيقرر شخص ياخد الفلوس لنفسه وبيفضل يطارده القاتل “أنطون شيجور” عشان ياخد الفلوس من تاني وينتقم.