بلاي ليست: تواشيح وابتهالات هتفكرك برمضان بتاع زمان
تقريبا بقالنا سنين بنقول نفس الجملة مع دخول كل رمضان علينا وهي إننا مش حاسين برمضان وحاسين إن فيه حاجة ناقصة.. وبنفضل نحاول نعمل أي حاجة تحسسنا بيه لمة عيلة أو نعلق زينا أو نتفرج على الزينة في الشوارع وهي بتتعلق ونقعد قدام التلفزيون نتفرج على إعلانات المسلسلات الجديدة ونتكلم مع صحابنا هنشوف إيه من المسلسلات دي وساعات ممكن نجيب لبس جديد زي إسدال أو جلابية جديدة عشان نشجع نفسنا على الصلاة في رمضان.. وكل الحاجات دي عشان نحسس نفسنا إن رمضان داخل علينا وبروحانيات رمضان.
ومن ضمن الحاجات المرتبطة في دماغنا برضه برمضان هي التواشيح اللي كنا بنسمعها زمان في الراديو خصوصا إذاعة القرأن الكريم اللي كانت بتبقى شغالة أغلب الوقت في رمضان أو في بتتعرض في التلفزيون وقت الفطار والسحور.. وبمناسبة إن فاضل على رمضان خلاص أيام قليلة أوي عملنالك البلاي ليست بالتواشيح دي عشان ندخلك في موود رمضان:
