بلاي ليست مسلسلات تتفرج عليها في قعدة واحدة

بما إننا عارفين إنكوا ساعات بتبقوا زهقانين في الويك إند حبينا نروق عليكوا.. وعملنالكوا بلاي ليست بمسلسلات وسهرات مصرية تقدروا تتفرجوا عليها في قعدة واحدة عشان الناس اللي بتزهق بسرعة.

-ريفو:

لو أنت بتحب النوستالجيا وجو التسعينات هيعجبك المسلسل لأنه بيحكي عن “مريم” اللي بتحاول تعرف أسرار عن باباها وخلال رحلتها بترجع للماضي من حكايات اللي حواليها عشان تعرف الحقيقة.

-بالطو:

لو عايز تريح دماغك بقى وتفصل خالص وكمان تغير مودك بحاجة خفيفة يبقى لازم تشوف مغامرات دكتور عاطف في طرشوخ الليف!

-البخيل وأنا

المسلسل كوميدي بيحكي عن “كمال” البخيل جدًا وبيحاول يعيش عيلته في فقر عشان يحافظ على فلوسه من خلال مواقف كوميدية مختلفة.

أحلام الفتى الطائر-

المسلسل بيحكي عن “علي عبد الظاهر”اللي بيحاول يحقق أحلامه رغم ظروفه الصعبة.

مسلسل اللص الذي أحبه-

المسلسل كوميدي وخفيف بيحكي عن بنت متدلعة اسمها “رشا”جدها بيتفق مع شخص يعمل خاطفها عشان تبطل دلع.

-سهرة رحلة فرج وغريب

السهرة كوميدية بتحكي عن فرج وغريب اللي بيسرقوا فلوس من العمدة وبيهربوا بيها لإسكندرية فياترى هيحصل معاهم إيه؟

-سهرة نونة الشعنونة

السهرة بتحكي عن نونة اللي بتروح القاهرة تشتغل لكنها بتنجح في إنها تعلم نفسها وتبدأ بداية جديدة.

-يوميات امرأة عاملة

السهرة بتحكي عن “سحر” اللي بتحاول تدور على شغل عشان تحقق نفسها بس جوزها رافض فياترى هتعمل إيه؟

-سهرة كيف تعيش بمرتبك

سهرة كوميدية بتحكي عن أسرة بتحاول تتعايش وسط الظروف الصعبة ورغم المواقف اللي بيمروا بيها

-سهرة مش معقول الثانوية العامة!

السهرة بتحكي عن ناجي اللي بعد ما طلع على المعاش بيحاول يدي دروس إنجليزي للثانوية العامة بس بتحص معاه مشكل كتير.

-سهرة حلم بين القضبان

بتحكي عن شاب بيتورط في جريمة قتل وبيحاول يثبت براءته عشان يخرج

-سهرة على ضوء شمعة

السهرة بتحكي عن حسين اللي طليقته انتقمت منها وخدت منه كل حاجة بعد الطلاق فبيقرر يستعين بصديقه عشان يحكيله لكن بتحصل احداث مش متوقعة.

-سهرة ليلة القتل الأبيض

السهرة بتحكي عن رجل أعمال عربيته بتعطل فبيستضيفه شخص عنده لكن بتحصل أحداث غريبة وبيلعبوا لعبة نتيجتها بتكون صادمة.

-سهرة سي السيد

السهرة كوميدية وبتحكي عن شخص بيتعامل زي سي السيد في حياته لكن بتحصل معاه مواقف مختلفة بتخليه يغير تفكيره