تغيرات المناخ بتهدد بانقراض البطاطس وآيس كريم الفانيليا 

دراسة جديدة أظهرت إن بعض المحاصيل في العالم زي البطاطس والأفوكادو والفانيليا البرية مهددين بالانقراض.

الدراسة دي نشرها موقع “الجارديان” البريطاني وقال إن الفانيليا في أوركيد في أمريكا الجنوبية والوسطى بتواجه مخاطر الانقراض لإن تم إدراج جميع الأنواع البرية الـ 8 الموجودة في المنطقة في القايمة الحمراء للاتحاد الدولي للحفاظ على المخاطر “IUCN” على إنها مهددة بالانقراض.

ووفقًا للدراسة دي فالقطن البري هو تاني أكبر الأنواع المعرضة للتهديد لإن 92% من الأنواع معرضة لخطر الانقراض و3 من كل 5 أنواع من الأفوكادو برضه معرضين للانقراض، ده غير كمان إن 23% من أنواع البطاطا البرية بتواجه نفس الخطر .

و244 محصول بري تم تحليلهم في المكسيك وجواتيمالا والسلفادور وهندوراس بقوا من المحاصيل الأساسية في العالم كله وأول ناس عرفوهم هما الأزتيك والمايا وحضارات تانية بين 5000 و10000 سنة فاتت ودي حاجة فرقت في الأنظمة الغذائية للبشرية وإنتاج الهدوم.

وقالت كمان الدراسة اللي اتنشرت في مجلة ” Plants، People، Planet” إن فيه أنواع من الخضار زي الفاصوليا البرية والكوسا والفلفل الحار وقشر الطماطم مهددين هما كمان بالانقراض، لإن 35% من الأنواع اللي تم دراستها بتواجه خطر الانقراض وده بسبب قلة زرعتها واستخدام المبيدات.

وأضافت الدراسة كمان إنه متوقع إن غلة المحاصيل في كل العالم هتنخفض وده هيحصل مع ارتفاع متوسط ​​درجات الحرارة،واللي بسببه هيتم تهدد الأمن الغذائي خصوصًا إن عدد السكان الأرض داخل على من 10 مليار نسمة، وقالوا إنهم بيتمنوا إن برامج التربية تساعد مع الأنواع البرية للمحاصيل على التكيف.

وقالت الدكتورة “باربرا جويتش” المؤلفة الرئيسية للبحث، إنه لو أزمة المناخ أعاقت الغلة والأقارب البرية ماكنتش حتى موجودة للمساعدة في تكييف المحاصيل الأساسية، فاحتمال نخسر وجبات كتير مفضلة بالنسبة لنا زي الأفوكادو والشيبسي والأيس كريم فانيليا.

وطبعا كله إلا الفانيليا يا كوكب الأرض من غيرها مش هنعرف نعمل كيكة ومش هنقدر نتغلب على قعدات البيت والملل والزهق أيا كان سببهم.