تفاصيل اكتشاف حجرة دفن ابنة حاكم إقليم أسيوط بجبل أسيوط الغربي

النهاردة تم اكتشاف حجرة دفن ابنة حاكم إقليم أسيوط بمقبرته بجبل أسيوط الغربي
واللي اكتشفتها البعثة الأثرية المصرية الألمانية المشتركة بين جامعتي سوهاج وبرلين.. ، وده حصل خلال أعمال التنظيف الأثري التي كانت تقوم بها البعثة في المقبرة اللي تعتبر أكبر مقبرة غير ملكية في مصر في الوقت ده وكان واحد من
أهم حكام الأقاليم في مصر القديمة.

وحجرة الدفن خاصة بسيدة اسمها “إيدي”وكانت الابنة الوحيدة لحاكم إقليم أسيوط خلال عصر الملك “سنوسرت الأول” واللي كان معروف باسم”جفاي-حابي”..و الدراسات المبدئية بتقول  إنها ماتت قبل ماتوصل سن الـ 40

ووضح الأمين العام للمجلس الأعلى للآثار الدكتور “محمد إسماعيل خالد” إن تم العثور على مقبرة “جفاي-حابي” على عمق عمق 15 متر تقريباً ناحية الشمال وكان جواها تابوتين جوه بعض  وعليهم نقوش من الداخل والخارج .. ومكتوب عليهم نصوص بتحكي رحلة الوصول للعالم الأخر.

وطول التابوت الصغير حوالي 2.30 متر.. والتابوت الكبير 2.62حوالي متر وهما بيعتبروا من أهم التوابيت اللي تم العثور عليها..وكمان تم العثور على غطاء التابوت الصغير وصندوق الأواني الكانوبية والتماثيل الخشبية.

 

وقال الأمين العام للمجلس الأعلى للآثار: أن الدراسات المبدئية اللي عملتها البعثة على حجرة الدفن لقت أن اللصوص خلال العصور القديمة كانوا وصلوا للحجرة وتم نزع مومياء السيدة وتمزيقها.. وكمان حطموا الأواني الكانوبية الخاصة بها.

وأعمال الفحص المبدئي لقت من جمجمة السيدة واللي اتبقى من عظامها أنها توفت في سن صغير قبل أن توصل سن الأربعين وأنها كانت بتعاني من عيب خلقي بالقدم.

وهتستمر أعمال التنظيف والدراسات العلمية على العظام للكشف عن مزيد من المعلومات عن الحاكم وبنته والحقبة التاريخية اللي  عاشوا فيها..
ووزير السياحة والآثار  دكتور” شريف فتحي” وضح أهمية البعثات الأثرية المصرية في الكشف عن أسرار تاريخ مصر القديمة وأكد  أن الوزارة هتقدم كامل الدعم للبعثات عشان يقدروا ينجزوا  أعمالهم بالشكل الأمثل.