حاجات بنتعلمها من الحب الأول

عادة الحب الأول بتكون أكتر علاقة عفوية في حياتنا.. لأننا بنختبر مشاعر جديدة لأول مرة بنعرفها ولما بتنتهي بنحس إننا خسرنا كل حاجة ومستحيل نحب من تاني
لكن خلينا نبصلها كتجربة.. عدت بحلوها ومرها وهتخلينا نتعلم حاجات عن نفسنا ماكناش نعرفها ولا عمرنا فكرنا بنعملها ليه!

-أهمية التواصل مع اللي قدامنا وإن مش شرط اللي أنت شايفه
يكون هو الصح.. لأن تجاربنا وأفكارنا مختلفة وكمان لغات حبنا.. عشان
كده مهم نتكلم بطريقة ناضجة عن مشاعرنا ومخاوفنا

-هتعرف إن الـ“Honeymoon Phase” وطفح الفراشات مش دايمة لحد..
وده مش شيء وحش خالص.. ده معناه إنكوا بقيتوا على طبيعتكوا
ومش محتاجين تبهروا بعض

-هتقفش تروماتك القديمة بالصدفة وأنت بتتعامل مع شريكك..
هتلاقي نفسك بتضايق فجأة من حاجة قالها أو ربطها بموقف حصلك يوم سبوعك.. وده هيخليك قدام تعرف مشاكلك النفسية وتحلها

-وبالمناسبة أنت المسؤول لوحدك عن حل مشاكلك القديمة
ماحدش تاني هيحلهالك ولا يستحملك غيرك.. شريكك ممكن يدعمك
في رحلتك لكنه مش ملزم يستحمل حاجات مالهوش إيد فيها

-أهمية إننا نكون Real وعلى طبيعتنا ومانحاولش نتصنع حاجة مش فينا..
لأن الانبهار بتاع البداية هيزول مع الوقت.. واللي هيتبقى أساسنا وحقيقتنا

-الحب لوحده مش كفاية.. التفاهم كمان مهم ومحاولة
تقريب وجهات النظر.. وفي حاجات ممكن تتعدى وتوصلوا
فيها لنقطة وسط في حالة إن انتوا الاتنين عندكوا استعداد لده

-تقبل الاختلافات لأن مفيش حد شبهك بالظبط عشان احنا بشر مش ورق كاربون.. طبيعي يكون في اختلافات وده اللي بيخلي العلاقة ماتبقاش مملة.. ويكون في حاجات مختلفة بنتعلمها من بعض وبنتكلم فيها

-التواصل بشكل مباشر بيكون أحسن في الخلافات والمشاكل بلاش تستخدم السوشيال ميديا لأن الرسايل عمرها ما بتوصل المشاعر والأحاسيس بشكل صح

-إنك تتقبل إن في حاجات بتخلص وتنتهي حتى لو أنت رافض تصدق!
لو في حاجة مكتوبلها تكمل هتكمل سواء النهاردة أو بكرا أو بعد سنين


المهم تحاول تكمل حياتك وتركز على نفسك وتكون نسخة أفضل في المستقبل عشان تكون أنضج في حياتك وفي علاقاتك الجاية.