حكاية استنساخ بقرة في الصين بتنتج 18 طن لبن في السنة
3 علماء صينيون من جامعة “Northwest A&F” في الصين نجحوا إنهم يستنسخوا 3 بقرات من سلالة “هولستين” وكمان قادرين إنهم ينتجوا حوالي على إنتاج 18 طنّ من اللبن في السنة وده عن طريق نقل نواة الخلية الجسدية بعد ما استخدموا نسيج من ودان الحيوان
أول بقرة تم استنساخها وزنها كان حوالي 56.7 كيلوجرامًا وطولها 76 سنتيمترًا والعجل ده كان معاه 2 كمان وتم تربيتهم في مزارع مختلفة في الصين وأثبتوا إنهم قادرين ينتجوا 18 طن لبن في السنة وأكتر من 100 طن لبن في عمرهم.
وقال رئيس المشروع “جين يابينج” لموقع جلوبال تايمز إن عملية استنساخ البقر مهمة جدا بالنسبة للصين، وده عشان يحافظوا على أحسن أنواع البقر وكمان مفيدة اقتصاديًا بالنسبة للصين وقال إن التجربة بتساهم بأهمية كبيرة بالنسبة لإنعاش قطاع تربية الحيوانات في الصين، اللي بتستورد في الوقت الحالي 70% تقريبًا من البقر الحلوب.
في الصين موجود تقريبا حوالي 6.6 مليون بقرة من نوع بقر الـ “هولستان فريزيان” اللي بيستوردوها من سنين ولكن المشكلة إن تقريبا حوالي 5 بقرات بس من أصل 10 ألاف بقرة بيبقوا منتجين كويس جدا وعمرهم طويل.
وأضاف كمان إن العلماء بيخططوا عشان يعملوا قطيع بقر في مدة حوالي سنتين أو 3 سنين وأكثر من ألف بقرة عندهم قدرات إنتاجية فائقة، عشان يحلوا قضية اعتماد الصين على استيراد الحيوانات.
وكمل “جين” وقال إن استخدام تكنولوجيا الاستنساخ لوحده مالوش أي معنى اقتصادي، والجمع بين التنصت على تكنولوجيا التكاثر واستخدام البقر منخفض الإنتاجية كبديل سمح لهم يعيدوا إنتاج 20 ذرية تاني مقارنة باستخدام الاستنساخ لفترة زمنية معينة
وجدير بالذكر إن عدد من العلماء الصينيين عملوا تجارب استنساخ كتير في آخر كام سنة وكان من بينهم حيوانات تاني زي الخنازير والقطط والكلاب والخيول وحيوانات تانية.
