خد بالك.. 8 أكلات لو سخنتها تاني وأكلتها هتسممك

اليوم اللي بتستناه كل أم غير يوم جواز أولادها.. هو اليوم اللي يتبقى فيه أكل من الغدا وتسخنه لليوم اللي بعديه بدل ما تتعب وتقف على رجلها.. بس لو هي ريحت يوم من عمايل الأكل هي هتتعب أيام بتعالجكم في البيت.. وده لأن فيه أكلات معينة لما بتتسخن بتبقى سامة وماينفعش تاكلها.. وهنقولك عليها دلوقتي:

1- البطاطس

البطاطس لما بتبرد بتتكون فيها بكتيريا اسمها “كلوستريديوم بوتولينوم” ودي مسؤولة عن التسمم الغذائي.. ولما بتسخنها بتنشط البكتيريا دي فيه تاني

2- البيض

تسخينه بيأكسد البروتينات والدهون اللي فيه فبيفقد العناصر الغذائية المفيدة ومكانها بتنمو بكتيريا 

3- الفراخ

تركيبة الفراخ بتتغير لما بتتسخن من تاني والبروتينات بتتحلل بشكل يضر جهازك الهضمي.. خاصة إن ممكن يعيش فيها بكتيريا ضارة زي السالمونيلا بعد التسخين

4- السبانخ

فيها نترات مفيدة لما بتتسخن تاني بتتحول لمواد مسرطنة وبتأثر على تدفق الأكسجين في الدم

5- الماشروم

فيه بروتينات وأحماض أمينية مفيدة جدًا لما بتعيد تسخينها تاني بيتراكم عليها بكتيريا وبتفقد قيمتها الغذائية وبتسبب عسر هضم وأمراض في القلب

6- البنجر

البنجر فيه شوية فيتامينات بتفيد تدفق الدم الطبيعي والصحي لجسمك بس لما بيتسخن كتير الفيتامينات دي بتتحول للعكس تمامًا وبتضر الجسم أكتر ما بتفيده ومضادات الأكسدة بتتبخر

7- الكرفس

نفس أضرار البنجر بس الزيادة إنه بيأثر على المرضى اللي عندهم أمراض دم معينة 

8- الأرز

فيه بكتيريا بتنمو بعد التسخين بتسبب قئ وإسهال

جايز تكونوا انبسطوا إنكم مش هتاكلوا أكل بايت من تاني.. بس ضروري من البداية تعملوا الأكل اللي على قدكم عشان مايبقاش فيه هدر ولا في الأكل ولا في جهد أماهتكم