دليلك للسعرات الحرارية اللي موجودة في الكحك وباقي حلويات العيد

كلنا دلوقتي في إجازة والدنيا رايقة وجميلة بمناسبة العيد.. وأسهل حاجة تتعمل اليومين دول هي كوباية شاي وتجيب معاها طبق مليان بسكويت وكحك وحاجات من بتاع العيد وتقعد تسأسأ كده وتديها.. فتعالوا نعرف كل حاجة بيكون فيها قد إيه سعرات حرارية عشان ناخد بالنا

حسب وزارة الصحة المصرية 

كمية السعرات الحرارية:

1- الكحك فيه 200 سعر حراري

2- البسكويت 60 سعر حراري

3- الغريبة 150 سعر حراري

4- البيتيفور 60 سعر حراري

5- المعمول بالتمر 200 سعر حراري

6- الكحك بالمكسرات أو العجوة 220 سعر حراري

وبما إن التسلية يعني ترمس.. فالترمس الـ 100 جرام منه بيساووا 111 سعر حراري وده لو قللت الملح اللي موجود وبدلته بالليمون.. يعني لو زودت ملح السعرات الحرارية قابلة للزيادة شوية

ممكن نحضرها في البيت؟

وزارة الصحة المصرية بتنصح كمان بتحضير حلويات العيد في البيت عادي ولكن ناخد بالنا ونستخدم كميات معتدلة من السمنة والسكر وفيه مكسرات تعتبر مصدر جيد للدهون ممكن نستخدمها مع الحلويات

في النهاية أكيد كلنا بعد 30 يوم صيام بنحس إننا منفتحين أوي على الأكل وخصوصا حلويات العيد وده لأنها سهلة وسريعة.. لكن خبراء التغذية ووزارة الصحة بينصحوا بأكل الكحك بكميات معتدلة عشان تحافظ على صحتك وتفضل كويس