سوني متخوفة من تخريب لعبة Call of duty على بلايستيشن بواسطة مايكروسوفت وأخبار تانية في الملخص الأسبوعي
مساء أو صباح على جيمرز جلوكال حسب وقت قراءتكم للموضوع ده، ده ملخص الأسبوع اللي بنتكلم فيه عن أهم الأخبار اللي حصلت خلال الأسبوع اللي فات في عالم الفيديو جيمز وما يخصه، وخلونا نبدأ الملخص بمعركة مايكروسوفت وسوني اللي لسه شغالة ومستمرة.
سوني قدمت وثائق لهيئة المنافسة والأسواق في بريطانيا بتقول فيها إنها متخوفة من تخريب لعبة Call of duty على أجهزة بلايستيشن زي إنها ترفع سعرها أو تقوم بإصدارها بمشاكل تقنية وده يخلي ممكن يخلي اللاعبين يفقدوا الثقة في بلايستيشن وسوني إذا تمت صفقة مايكروسوفت وأكتيفجين.
وعلى الناحية، مايكروسوفت قالت عن صفقتها إن محتوى شركة أكتيفجين على Xbox Game Pass هيحسن خدمة PS Plus سواء من ناحية الأسعار أو الجودة أو خيارات أكتر.
واستكمالا للكلام على بلايستيشن، فا PS5 حصل على تحديث جديد بيحتوي على برنامج ديسكورد واللي هيخلي محادثات الصوت أفضل خصوصا مع اللاعبين من المنصات التانية لإن أغلب الألعاب دلوقتي أصبح فيها خاصية الكروس بلاي.
الكلام عن الجزء الجديد من GTA لسه مستمر ومش بيخلص، ولكن في تقارير جديدة ظهرت بتقول إن الكشف عن GTA 6 هيكون السنة دي وإصدار اللعبة هيكون في نهاية عام 2024 مع إحتمالية تأجيلها لعام 2025.
لعبة Dead by Daylight هيتعملها فيلم مقتبس حسب موقع Variety.
لعبة Starfield هيتم إطلاقها في 6 سبتمبر المقبل لأجهزة Xbox Series و الـ PC.
Join us for #StarfieldDirect following the Xbox Games Showcase on Sunday, June 11 https://t.co/Igj84qH7AT
— Xbox (@Xbox) March 8, 2023
