عملنالكوا بلاي ليست.. 10 أفلام مصرية عائلية تشوفها مع عيلتك في العيد

لو حاسس أنك زهقان ومش لاقي حاجة تعملها.. عملنالك البلاي ليست دي عشان تجمع عيلتك في العيد تتفرجوا عليها وتفتكروا أيام زمان وتحسوا بفرحة العيد سوا

1- البحث عن فضيحة:

الفيلم من بطولة الزعيم عادل إمام وبيحكي عن مجدي اللي معجب بحنان ولكن ماعندوش خبرة في العلاقات.. فبيستعين بنصايح صديقه سامي زير النساء عشان يقدر يخليها تحبه فهل هينجح ولا لا؟

2-إشاعة حب:

الفيلم من بطولة عمر الشريف والسندريلا سعاد حسن.. بيحكي عن حسين شاب خجول معجب ببنت عمه..فبيقترح عليه عمه فكرة إشاعة ممكن تساعده يكسب قلبها ويتحدي بيها لوسي ابن طنط فكيهة..



3- سكر هانم:

الفيلم من بطولة كمال الشناوي وعبد المنعم رياض..بيطلب نبيل وفريد من صديقهم سكر بالتنكر في شكل عمتهم عشان يقدروا يعزموا البنات اللي معجبين بيهم للبيت لكن ياترى إيه اللي هيحصل لما عمتهم الحقيقية بتوصل البيت..


4- يارب ولد:

الفيلم من بطولة فريد شوقي وسمير غانم ومجموعة كبير من الفنانين..  بيحكي عن الحاج الأسيوطي اللي عنده 3 بنات بس  مختلفة المشاكل بتبدأ لما كل واحدة بتتجوز واحد وبيقرروا يعيشوا عالة عليه.. فهنشوف إزاي هيتعامل معاهم في مواقف كوميدية


5- الأيدي الناعمة:
الفيلم من بطولة أحمد مظهر وصباح.. بيحكي عن البرنس شوكت اللي بيعاني بعد إفلاسه من التعامل مع الناس بشكل طبيعي.. ولكن ظروفه بتجبره يأجر القصر اللي عايش فيه وبيخبي على الكل إنه أفلس عشان يقدر يتعامل بنفس الطريقة..



6-صعيدي في الجامعة الأمريكية:

الفيلم من بطولة محمد هنيدي وبيحكي عن خلف الشاب اللي جاي من الصعيد عشان يدرس في الجامعة الأمريكية.. وهنشوف المواقف اللي بتمر عليه وقصة حبه مع عبلة..



7-فيلم الناظر:

الفيلم من بطولة علاء ولي الدين وبيحكي عن صلاح اللي بيتوفى والده عاشور وبيسيبله المدرسة.. رغم صغر سنه وعدم خبرته فهل هيقدر يكون ناظر مكانه وينجح في الرحلة ولا الدنيا هتفضل تعانده؟


8-الشقة من حق الزوجة:

الفيلم من بطولة الفنان محمود عبد العزيز ومعالي زايد.. بيحكي سمير وكريمة اللي اتجوزوا بعد قصة حب كبير .. ولكن بعد الجواز بيحصل بينهم مشاكل كبيرة بتوصلهم للطلاق ومن بعدها بتبدأ خناقتهم على الشقة..


9- الحفيد:
الفيلم من بطولة عبد المنعم مدبولي.. بيحكي عن أسرة أستاذ حسين المكونة من 7 أولاد وبيحكي عن مشكلة كل حد فيهم وإزاي
حسين وأمهم زينب بيتعاملوا معاهم..



10-الحاسة السابعة:

الفيلم من بطولة أحمد الفيشاوي..بيحكي عن يحيي اللي بيحب  لعبة الكونج فو ونفسه يبقى بطل كبير فيها ولكن الظروف مش بتساعده .. وفي يوم بيقابل عراف بيساعده يبقى عنده الحاسة السابعة