في اليوم العالمي لسرطان المبيض.. أهم أعراضه وطرق التشخيص

يوم 9 مايو من كل سنة هو اليوم التوعوي لمرض سرطان المبيض اللي بيصيب سيدات كتير نتيجة تكون خلايا غير طبيعية في الجزء ده من الجسم.. وعادة الكشف المبكر للأورام السرطانية بيساهم بجزء كبير في العلاج…
ووفقا لموقع ويب طب المختص بالشأن الطبي إن  سرطان المبيض مالوش أعراض في المراحل المبكرة ولكن بتظهر في الفترة ما قبل اكتشاف المرض من 6 -12 شهر  وبينصح السيدات لو حسيتوا بيها ضروري تزوروا الدكتور …


والأعراض دي عبارة عن:

– غازات مستمرة

-ألم في منطقة الحوض

– انتفاخ في البطن

– اضطرابات في الجهاز الهضمي زي الإسهال والإمساك

– إلتهابات ومشاكل في المعدة

ومن أهم أسباب الإصابة المرض:

– لو فيه تاريخ مرضي للسيدة نفسها أو حد من قرايبها فهي معرضة للإصابة بنسبة 10-20%

– السيدات اللي عدت سن الأربعين

– السيدات اللي ليها طفرات في الجين BRCA بنسبة 16 – 60% أو اتصابت بسرطان الثدي

– السيدات اللي ما أنجبتش معرضة للإصابة

– التدخين

– التغذية الغنية باللاكتوز الموجود في مشتقات الحليب

نوع الخلية بيكشف عن نوع سرطان المبيض وده بيساعد في تحديد العلاج المناسب للحالة وموقع مايو كلينك الطبي بيوضح أنواع سرطان المبيض:

– سرطان المبيض الظِّهاري.. وده أكثر نوع منتشر

– الأورام السّدية.. والنوع ده بيشخص في مرحلة مبكرة مقارنة بالأنواع التانية من سرطان المبيض

– أورام الخلايا الجنسية.. والنوع ده بيصيب المرأة في سن مبكر غالبًا

وأخيرا موقع ويب طب بيوضح أهم طرق التشخيص:

– فحص روتيني وده بيتم عن طريق الدكتور المختص بشكل دوري

– التصوير بالموجات فوق الصوتية (Ultrasound)

– عن طريق استخراج عينة من المبيض

– إجراء اختبار دم لفحص وجود مستضد السرطان (Cancer antigen – CA-125)

وبالنسبة للعلاج بيتحدد وفقًا للتشخيص ونوع السرطان ومن حالة لحالة مع الدكتور المختص..

أما عن الوقاية.. لحد دلوقتي مافيش أساليب محددة للوقاية منه ولكن ضروري المتابعة والكشف الدوري.. وبنتمنى ليكم الصحة والسلامة دايمًا