ترشيحات لـ 8 أعمال إسبانية هتسحلك

في السنين الأخيرة بدأ ينتشر أعمال كتيرة باللغة الإسبانية على مستوى العالم وتاخد اهتمام ماكانش موجود قبل كده.. وبقى عدد كبير من الناس فانز ليها وبيستنوا منها أجزاء تانية.. في الموضوع ده هنرشحلك أعمال ناطقة باللغة الإسبانية محبوبة 


1-La Casa De Papel

مسلسل دراما وإثارة إسباني مكون من 5 اجزاء بيحكي عن مجموعة من اللصوص بيحاولوا يسرقوا من دار العملة الإسباني وبيرأسهم البروفيسور اللي بينظملهم كل عملياتهم

2-The Invisible Guest

الفيلم من نوع أفلام الغموض والإثارة.. بيحكي عن رجل أعمال ناجح متهم بالقتل
بيستدعي خبيرة لإعداد الشهود عشان تساعدوا ياخد براءة في خلال 3 ساعات متبقية على وقت المحاكمة

3-The Sea Inside

فيلم درامي وعن قصة حقيقية عن شخصية “رامون سامبيدرو” المصاب بالشلل الرباعي الناتج عن حادثة حصلتله.. وخاض حملة استمرت 28 سنة لصالح القتل الرحيم
وحقه في الموت بدل من حياة المعاناة اللي بيعيشها

4-Vis A Vis

المسلسل بيحكي عن ماكارينا اللي بتدخل السجن وبتضطر تتعامل مع الشخصيات المختلفة جواه وتحاول تكافح إنها تكون كويسة وتقدر تتعامل وسطهم

5-Bird Box

فيلم رعب نفسي بيحكي عن حاجة غريبة بتحصل في إسبانيا ماحدش عارف لها تفسير  بتسبب موت كل شخص يبصلها.. ويبدأ “سيباستيان” وبنته مغامرتهم إنهم يحاولوا يهربوا من الشيء ده وينجوا بحياتهم.

6-Talk to Her

فيلم درامي بيحكي عن اتنين رجالة بيحصل بينهم صداقة لما بيعرفوا بعض في المستشفى بسبب تعرض زوجاتهم لغيبوبة

7-The Platform

الفيلم من نوعية أفلام الإثارة والرعب النفسي بيحكي عن مجموعة من الناس في سجن عمودي فيه زنزانة واحدة في كل دور وشخصين قاعدين مع بعض وكل يوم في منصة أكل بتتبقى لمدة دقيقتين بس ولازم كل دور يلحقها عشان يقدر يعيش

8-Pain and Glory

فيلم درامي بيحكي عن مخرج سينمائي بيكتشف إن كل قرار خده في حياته انعكس  على حياته لما كبر في الحاضر وبيبدأ يفكر في كل حاجة بتحصل حواليه