في اليوم العالمي للمحيطات.. حاجات ماتعرفهاش عنهم

النهاردة يوم 8 يونيو بيوافق اليوم العالمي للمحيطات اللي بتحتفل بيه الأمم المتحدة كل سنة عشان تفكر العالم بأهمية المحيطات في حياتنا وده لإن المحيطات حسب وصف الأمم المتحدة بتعتبر رئة كوكب الأرض لإنها بتنتج أغلب الأكسجين اللي بنتنفسه وبتمتص نسبة كبيرة من غاز ثاني أكسيد الكربون الضار للبيئة.. عشان كده في الموضوع ده هنقولك عن حقايق مهمة عن المحيطت وفقا لموقع الأمم المتحدة وموقع natgeokids وموقع thedaily.case و usgs

1-المحيطات بتغطي أكتر من 70٪ من سطح الأرض
وبتحتوي على حوالي 96.5% من إجمالي المياه فيها

2-درجة حرارة فتحات أعماق البحار بتصل لـ 700 درجة فهرنهايت.. وبتخرج
منها مركبات زي كبريتيد الهيدروجين الي بيدعم النظام البيئي في المحيط

3-أكبر محيط هو المحيط الهادي و بيغطي حوالي 30% من الأرض.. ومساحته حوالي 165.246 مليون كيلومتر مربع وبيحتوي على أعمق نقطة بحرية في العالم المعروفة باسم “خندق ماريانا” وطوله 2542 كيلومتر ..وبيفوق فيه الضغط
البحري ألف ضعف الضغط الموجود عند مستوى سطح البحر

4-البشر قدروا يستكشفوا 5% من المحيط بس.. والباقي خاصة الأعماق
لسه ماحدش وصلها

5-37 من أصل 50 من المعادن المهمة  ممكن تلاقيها في المحيط زي
معادن(الأنتيمون والكوبالت والليثيوم والمنجنيز والتيتانيوم)

6-المحيط بيحتوي على كمية من الملح قادرة إنها تغضي سطح الأرض كله.. وبيكون مصدر الملح في الغالب من الصخور  وبيتنقل عن طريق جريان مياه الأمطار والمدخلات النهرية للبحر أو من خلال الفتحات الحرارية المائية

7- قاع المحيط بيتحرك.. لأنه بيتكون من البازلت والصخور النارية اللي
بتشكل قشرة محيطية بتسبب مناطق نشطة جيولوجيًا.. والسوائل الحرارية المائية بتخرج المواد المعدنية السخنة للمحيط وبتسبب رواسب معدنية

8-عدد الأنواع المختلفة من الكائنات والنباتات والحيوانات والفطريات اللي بتعيش في المحيط مازال مجهول.. والدراسات بتقول إن في حوالي 8.7 مليون نوع من الكائنات في العالم منها 2.2 مليون نوع بحري يعني حوالي ربع الكائنات بتعيش في المحيط!.. وحسب السجل العالمي للأنواع البحرية في 240,470 نوع منهم تم اكتشافه

9-معظم المحيط  بيكون مظلم لأن الضوء مابيخترقش الطبقة السطحية للمحيط اللي بيبلغ عمقها حوالي 182.88متر واللي بتتم فيها عمليات التمثيل الضوئي

10-في المحيط الهادي في منطقة اسمها ” White Shark Café” موجودة في منطقة المحيط المفتوح بين هاواي و شبه جزيرة باجا في كاليفورنيا.. بتتجمع فيها أسماك القرش البيضا كل سنة وبيعتقد الباحثين إنهم في مرحلة التزاوج أو بيدوروا على أكل

11- مليمتر واحد من مياه المحيط ممكن يحتوي على حوالي 10 مليون فيروس وبتأثر الفيروسات دي على العوالق النباتية والخلايا البكتيرية.. وبيعتقد الباحثين إن ده ليه دور
مهم في النظام البيئي البحري

12-في آثار كتير في المحيط أكتر من اللي في متاحف العالم.. وفي جزر فلوريدا لوحدها فيه حوالي 1000 قطعة من حطام سفينة