في عيد ميلاده.. ترشيحات أفلام للمخرج الإيراني “أصغر فرهادي”

النهاردة يوم 7 مايو بيوافق عيد ميلاد المخرج الإيراني المميز “أصغر فرهادي” الحاصل على جائزة الأوسكار عن فيلم A separation سنة 2011 م.. عشان كده عملنالكوا ترشيحات لأفلامه المميزة

1- A Separation

الفيلم بيحكي عن زوج وزوجة بيعانوا من مشاكل في زواجهم بسبب اختلاف أرائهم بين السفر خارج إيران أو بقائهم لرعاية والد الزوج المريض بالزهايمر .. وفي وسط كل ده بنشوف تأثير كل ده على بنتهم الوحيدة.

2-The Salesman

خلال مشاركة الزوجين رنا وعماد في التمثيل بمسرحية للكاتب اﻷمريكي (أرثر ميللر) المعروفة باسم (موت بائع متجول) بتتعرض رنا لاعتداء مفاجئ فى بيتها وبيحصلها صدمة شديدة من بعدها.

3-A Hero


الفيلم بيحكي عن “رحيم” اللي بيدخل السجن بسبب ديونه اللي مش قادر يسددها وبياخد إجازة لمدة يومين  من السجن بيحاول فيها يقنع الراجل المديون ليه إنه يتنازل عن القضية اللي رافعها ضده ولكن الأمور ما بتمشيش زي ما متوقع.

4- About Elly

الفيلم بيحكي عن مجموعة أصدقاء إيرانيين بيقرروا يسافروا مع بعض عشان يقضوا أجازتهم سوا.. لكن كل حاجة بتتقلب لما بتختفي “إيلي” فجأة من وسطهم وبيفضلوا يدوروا عليها باقي الرحلة.

5-The Past

الفيلم بيحكي عن أحمد اللي بيسيب زوجته الفرنسية ويرجع لبلده من تاني لكنه بيتفاجىء  بعد سنين لما بيرجع لباريس بإنها بقت بتحب شخص تاني وبتتعقد الأحداث أكتر مع الوقت.

6-Everybody Knows

الفيلم بيحكي عن “لورا” وهي إسبانية الأصل وبتعيش في الأرجنتين..  وببترجع لبيتها القديم مع أطفالها عشان يحضروا حفلة زفاف أختها.. لكن بيحصل احداث كتيرة غير متوقعة وأسرار كتير بتنكشف خلال الرحلة.