في عيد ميلاد Steve Carell.. بنرشحلك 5 أعمال تشوفهاله غير The Office

في عيد ميلاد Steve Carell الـ 61
ناس كتير ممكن تبقى عارفاه بدور “مايكل سكوت” في مسلسل The Office

بس هو ليه أعمال تانية.. ومش كلها كوميدي.. جمعنالكم خمسة منها 

1- Crazy Stupid Love

الفيلم بيتكلم عن كال, اللي مراته بتسيبه عشان واحد تاني, وبتجمعه
الصدفة بجاكوب اللي ليه علاقات نسائية متعددة، وبتبتدي رحلة صداقة بينهم.

2- Get Smart

الفيلم مستوحى من مسلسل بنفس الاسم اتعمل في الستينيات، بيتكلم عن ماكسويل محلل البيانات في وكالة الاستخبارات الأمريكية السرية اللي بيتم ترقيته فجأة لظابط ميداني.. والمفروض  يمنع مخطط إرهابي وهو مش فاهم حاجة خالص.

3- Date Night

تخيل نفسك زهقت من روتين الجواز والعيال وقررت تاخد مراتك وتروحوا date لطيف تفصلوا من دوشة الحياة فيتم الخلط بينكم وبين ناس تانية وتلاقوا نفسكم هدف لتنظيم عصابة! ده بالظبط اللي حصل لشخصية “فيل” و “كلير” في الفيلم.

4- Seeking a friend for the end of the world

عمرك خفت من إنك تموت وحيد؟ ده الدافع اللي خلى بطل الفيلم دودج إنه يدور تاني على البنت اللي كان بيحبها في المدرسة قبل نهاية العالم بـ 3 أسابيع.

5- Despicable Me film series

في سلسلة الكارتون اللي ماحدش فينا ماشفهاش, مش محتاجين نقول ان Steve هو اللي عامل صوت شخصية Gru, المجرم المخضرم بعد ما بيتوب وبيتبنى كائنات الـ minions

وفي النهاية، Steve Carell يعتبر ممثل متنوع وقدراته التمثيلية بتتجاوز الكوميديا.. فـ لو اتفرجت على The Office بما إنه من أشهر أعماله وحبيت دوره كـ مايكل سكوت.. ممكن تجرب تتفرج على الأفلام دي وهتشوف جوانب مختلفة ومميزة من موهبته.