في وقت الدورة الشهرية.. تعملي إيه وماتعمليش إيه؟
انتشر الأيام اللي فاتت خبر وفاة طالبة جامعية في أكتوبر نتيجة جرعة زائدة من مسكن “الباراسيتامول” خدتها بسبب آلام الدورة الشهرية اللي مقدرتش تتحملها.. تقلصات وآلام أسفل البطن وقت الدورة الشهرية بتكون صعبة لدرجة إنها بتعطلك عن اللي بتعمليه في يومك.. فهنقولك وقت الدورة الشهرية تقدري تعملي إيه وماتعمليش إيه وهل المسكنات مفيدة ليكي على المدى الطويل ولا لأ؟
أضرار مسكنات الدورة الشهرية
- الإمساك: المسكنات فيها مواد أفيونية بتقلل حركة البراز في الأمعاء.. والمياه بتقل وبيحصل جفاف في الأمعاء فبتسبب إمساك
- ارتجاع المرئ: لأن مسكنات الألم بتزود من إنتاج حمض المعدة وبوقف إنتاج المواد اللي بتحمي الجهاز الهضمي
- الدوخة: دي بتحصل كتير وقت الدورة الشهرية.. بس المسكنات بتزود من حدتها.. وده لأنها بتعمل انخفاض مفاجئ في ضغط الدم.. والسكر بيسبب الدوار.. وبتحسي بالغثيان والقيء
- قرحة المعدة والإثنى عشر: المسكنات الكتير وقت الدورة الشهرية بتسبب قرحة في المعدة والأمعاء الدقيقة.. فبيحصل نزيف والحالة بتكون خطر وده بيحتاج مشوار طارئ للمستشفى
- مشاكل الكلى: المسكنات _خاصة “الباراسيتامول”_ بتقلل تدفق الدم للكلى.. فده بيضعف وظائف الكلى.. ومع الوقت بيعمل التهاب في نسيج الكلى وفي النهاية الإصابة بالفشل الكلوي
- الإصابة بأمراض القلب: الاستخدام المستمر للمسكنات بيزود خطر الإصابة بارتفاع ضغط الدم والسكتات الدماغية والنوبات القلبية
- مشاكل الكبد: زي تسمم الكبد خاصة لو روتين أكلك وحياتك غير صحي
- اضطراب الهرمونات: الاستخدام المنتظم لمسكنات الدورة الشهرية بيغير مواعيد الإباضة وبيأخر الدورة الشهرية.. وأحيانًا بيوصل الموضوع للإصابة بسرطان المبيض أو الثدي وده نتيجة للغبطة اللي بتعملها المسكنات في الهرمونات
طب إيه بدايل المكسنات لتخفيف آلامها؟
- الكمادات الدافية: حطي قربة سخنة إما على منطقة الحوض أو على ضهرك.. لأن الحرارة بتخفف انقباضات البطن وبترخي العضلات المتشنجة
- الترطيب: يعني اشربي مياه كتير.. خاصة السخن فزودي من المشروبات السخنة زي الجنزبيل والكركم والشمر.. هم مضادات التهابات بس طبيعية وهتفيدك قدام
- تمارين: ألم الدورة الشهرية بيخليكي عايزة تقعدي في السرير ماتتحركيش.. بس التمارين الرياضية أو حتى اليوجا بتقلل انقباضات عضلات الرحم بكتير عن قعدتك في السرير.. لأنها بتساعد الجسم يفرز هرمون “الإندورفين” اللي بيساعد على تخفيف الألم
- دلكي بطنك بزيوت عطرية زي اللافندر والمرمرية
حتى لو البدايل الطبيعية لتخفيف آلام الدورة الشهرية مابتكونش بنفس فعالية المسكنات القوي.. بس هي أأمن ليكي ولصحتك على المدى الطويل!
