١٠ طرق مختلفة تعملي بيها ضفاير غير اللي متعودة عليها

مين مامتها ماكنتش بتعملها ضفيرة وهي رايحة المدرسة بأشكال مختلفة وتقعد تتفنن في عميلها..  تعملك الواحدة من دول تلاقي بعدها صداع نصفي طول اليوم.. بس عشان الضفيرة هي تسريحة ماما مانقدرش نستغنى عنها.. هنقولك على كام طريقة تعمليها بالضفيرة بس جديدة وماتعملكيش صداع

١- Crown braid 

ودي من الآخر تسريحة تيتا زمان مش محتاجة عوجة لسان.. بتكون ضفيرة ملفوفة على  دماغك كلها.. ودي هتناسبك لو شعر طويل في الحر اللي إحنا فيه وعاوزة تجددي بدل الكحكة 

٢- Side braid

أقل تسريحة لبطلة في أي مسلسل هندي كنتي بتشوفيه زمان أيام ما كنتي لا تحملين همًا

٣- Messy braid

مناسبة جدًا للأيام اللي مش عايزة تعملي فيها مجهود.. اصحي بس من النوم ضفري شعرك بسرعة وعشوائية وبكده بقى عندك تسريحة ولا أروع

٤- سنبلة

التسريحة اللي نجحت إنها تخلي كل بنت تصحى بدري مخصوص عشان تعملها لإنها بتاخد وقت طويل عشان يطلع شكلها حلو ومظبوط

٥- Rope braid

مفيش أسهل منها اقسمي شعرك جزئين وافضلي لفيهم حوالين بعض واربطيه في الآخر

٦- Upside-Down Braid

دي بقى صديقة جدًا لأيام الصيف.. بتبقى ضفيرة جاية من تحت وطالعة على فوق كحكة

٧- Bubble braid

لو انتي بقى من عشاق اللوك البوهو وفي نفس الوقت وقتك مش ملكك.. فالتسريحة دي بتاعتك.. اعملي ديل حصان وحطي توكة بين كل مسافة والتانية وتوكلي على اللع

٨- braided headband 

وعشان لو بتحتاري في الأفراح تعملي تسريحة إيه.. فدي هتنقذك  ومش هتاخد منك وقت

٩- Sleek Braided Ponytail

دي بقى التسريحة اللي هتنقذك لما تصحي وتلاقي شعرك مقرر إنه مش يومك.. فتعلمي الـ sleek بتاع بيلا حديد وتعملي الضفيرة

١٠- French braid 

شبه اللي ماما كانت بتعملهالك وانتي صغيرة مافيهاش افتكاسات بس دي بتكون من أول راسك لحد تحت

وفي الآخر أديكي عرفتي كام طريقة جديدة للضفيرة بدل اللي ماما كانت بتعملها لك وانتي في المدرسة ابهرينا بقى بالإطلالات