لأول مرة.. نجاح زراعة القطن في صحراء سيناء

النهاردة الأربعاء 13 أغسطس 2025 أعلنت محافظة جنوب سيناء ووزارة الزراعة نجاح زراعة القطن لأول مرة في صحراء “طور سيناء”.. واللي يعتبر خطوة محصلتش هناك في المنطقة قبل كده

الزراعة كانت نتيجة بحوث عملها الباحثون والعلماء في مركز البحوث الزراعية.. على رأسهم كان معهد بحوث القطن واللي ظهر لما نجحت تجاربهم الميدانية لزراعة القطن في البيئات الصحراوية لأول مرة في مدينة الطور بمحافظة جنوب سيناء

الدكتور عادل عبدالعظيم رئيس مر كز البحوث الزراعية أكد إن الإنجاز ده جه بعد ما زرعوا 6 تراكيب وراثية: سوبر جيزة 86 وسوبر جيزة 94 وسوبر جيزة 97.. بالإضافة لـ 3 تراكيب وراثية جديدة

الدورة الأولى من المحصول تم جنيها بعد 127 يوم من الزراعة.. وده نتيجة إنهم اختاروا أو “انتخبوا” بلغة الزراعة للنبتة اللي بتكبر بسرعة أو تنضج بسرعة عشان تقعد أقل وقت في التربة ويتم حصدها بحيث المزارع يلحق يزرع المحصول الشتوي بعد الانتهاء من جني القطن

وفي النهاية القطن الناتج من الزراعة بيتميز بجودته العالية وصلاحيته للاستخدام في الغزل والنسيج وإنتاج الزيوت.. وده هيعزز من خطط التوسع الزراعي في المناطق الصحراوية