لو انت الطرف الأكثر حماسًا.. عملنالك بلاي ليست من أغاني إليسا
ليه إليسا الطرف الأكثر حماسًا؟
الفترة الأخير انتشر على تيكتوك قصة بتحكيها إليسا عن شخص كانت بتحبه وكان عندها شغل في مصر وقرروا يتقابلوا هناك وحصلت بينهم مشكلة بسيطة بس كان رد فعله غريب حكت عنه إليسا “قام فل بس مش فل على الأوتيل.. لا ترك البلد وفل” وعبرت عن قد إيه ده كسرلها قلبها وحالتها النفسية كانت صعبة أوي.. فجالها الملحن محمد رحيم وسمعها أغنية “فاكر” واللي غنتها إليسا وبقينا بندندنها في لحظة جلد ذات ليلي.. بس فيه حاجة مشتركة دايمًا في أغاني إليسا وهي إنها دايمًا بتكون الطرف الأكثر حماسًا.. فلو انت اللي بتبدأ الكلام في الشات مع أصحابك أو شريكك وبتشاركهم كل تفصيلة في حياتك حتى لو شربت مياه.. أو بتروحلهم من أكتوبر للتجمع عشان بس تقعد شوية معاه.. فانت بينك وبين إليسا حاجات مشتركة.. عشان كده عملنالك بلاي ليست بعنوان “الطرف الأكثر حماسًا” من أغاني إليسا اللي عينها بتطلع قلوب وهي بتغنيها
شافونا اتنين
قلبي حاسس بيك
بتمون
أجمل إحساس
أيامي بيك
بستناك
عايشالك
كل يوم في عمري
كرمالك
سهرنا يا ليل
أسعد واحدة
ع بالي حبيبي
اسمع البلاي ليست دي وخليك محافظ على شغفك وحبك الكبير للناس اللي بتحبهم بس خليك مفتح ومصحصح واديهم للناس اللي تستحقهم
