ليه بنحب الأونلاين شوبينج؟

من ساعة ما  الكورونا قعدتنا في البيت السنة اللي فاتت، وناس كتير اتجهت للأونلاين شوبينج وحتى مع نزولنا بعد فترة فضلوا بيشتروا أونلاين برضه، وشايفين إنه أحسن من المحلات

قررنا نسأل شوية ناس ليه بتحبوا الأونلاين شوبينج ودي كانت إجاباتهم

1- بلاقي حاجات حلوة ممكن ماخدش بالي منها في المحل
2- مابحبش زحمة المحلات والفرهدة، بشتري وأنا قاعدة في أوضتي
3- أنا مترددة باخد وقتي في الإختيار، في المحل مش هعرف أعمل ده
بس في الأونلاين شوبينج ممكن أقعد أتفرج عالحاجة كذا يوم براحتي لحد ما أقرر
4- بيبقى في إختيارات أكتر في الأونلاين شوبينج
5- الأسعار بتكون أرخص من المحلات
6- بعرف كل تفاصيل الحاجة اللي هشتريها، وأقدر كمان أقرا ريفيوز عنها من ناس جربوها فعلًا
7- في حاجات مش بتكون دايمًا متوفرة في المحلات أو في أماكن بعيدة بالنسبالي، أونلاين بلاقيها بسهولة وبتجيلي لحد البيت

بس بعيدًا عن مميزات وسهولة الأنولاين شوبينج بالنسبة لناس كتير، لازم تبقوا عارفين المكان اللي بتشتروا منه لو مش مكان معروف وتشوفوا تقييمات الناس على المنتج وعلى المكان أو الصفحة أو الموقع نفسه وطريقة تعامله مع الناس اللي بتشتري من عنده

ويلا إن شاء الله ماحد حوش!