ليه بننجذب ونتعلق بناس توكسيك؟

بنسمع كتير دلوقتي كلمة “توكسيك” في العلاقات سواء كانت علاقات عاطفية أو تعاملات في الشغل.. وتأثير العلاقات دي مابيكونش لطيف خالص على حد مننا وممكن يسبب صدمة نفسية كبيرة..طب إيه هي الريد فلاجز؟.. ونعمل إيه عشان مايحصلش الكلام ده كله؟
تعالوا نفهم الموضوع واحدة واحدة وفقًا لموقع youniversetherapy و goodtherapyhealthline و psychologytoday وprevention و learning-mind

مبدأيًا كده إيه هي الريد فلاجز في العلاقة؟ 

• إحساس الخوف والقلق من الطرف التاني
• الغيرة والحقد بدل التشجيع
• السخرية بدل الاحترام والتقدير
• انعدام الثقة والشك المستمر
• السيطرة وحب التملك
• الشعور بأننا أقل ومانستحق حاجة
• الغضب المستمر حتى على أتفه الأسباب
• النقد المستمر على أي شئ بيتعمل
• مافيش تواصل بشكل سليم
• التعامل بشكل أناني وتجاهل احتياجتنا
  
  

  هو أنا مكتوب على وشي تعالى إجرحنى وامشي؟

  في الحقيقة فيه إجابات وأسباب نفسية بتفسر ليه إحنا مغناطيس للأشخاص التوكسيك وبيشرحها العلماء كالتالي:
  طفولتنا بتأثر فينا.. وطريقة تعامل أهلنا مع بعض .. دماغنا بتخزنها على أنها وضع افتراضي لشكل العلاقة دي

• الارتباط الأول.. بيميل الإنسان أنه يعيش نفس التجربة الأولى بنفس الطريقة مرة تانية
• شخصيتك.. لو كنت شخص بتعدي حاجات ماينفعش تعدي.. لو أنت شخص مش واثق في نفسك.. لو مش بتحب نفسك كفاية وشايف إنها تستاهل أفضل شئ.. فأنت هتكون مغناطيس للشخص التوكسيك
• إنك شخص بتحب تسمع الناس .. وده ممكن يتحول لبعدين لفكرة التعاطف مع التوكسيك وإنك تحاول تصلح اللي بيعمله وعلى أمل إنك تغيره ” i can fix him”
• القبول بأي شئ عشان بس نهرب من نظرة الناس حوالينا بأننا مرغوب فينا
  

طب ليه بعد ده كله بنفضل متعلقين بالشخص التوكسيك؟

• إدمان الشخص: والتعود على وجوده والتعود على مشاعرنا الحلوة معاه حتى لو قليلة
• الخوف من الوحدة: أغلب الأشخاص بيختاروا انهم يكملوا أحسن يبقوا لوحدهم

• عدم احترام الذات: الأشخاص اللي بيشوفوا نفسهم مش كفاية مش بياخدوا بالهم أوي من الأذى لأن توقعاتهم في العلاقة واللي هيستفيدوه منها قليل

• التركيز على الايجابيات والتغافل عن السلبيات: أو زي ما بنقول بالبلدي “الحب عامية” ونسيب 10 سلبيات في مقابل إيجابية واحدة بس

• الإحساس بالذنب: وده تحديدًا اللي الشخص التوكسيك بيعمله أنه يلقى اللوم على شريكه ويحسسه أنه المسؤول عن أي مشكلة.. عشان مش بيشوف أنه غلطان وبيكمل عادي

• التهديد: الشخص التوكسيك لو لاحظ أن شريك بيستنجد بحد بيلجأ لترهيبه وتهديده بالأذى الجسدي أو اللفظي وده اللي بيجبر بعد الأشخاص أنهم يكملوا

• البداية مرة تانية: أغلب الأشخاص بيكون تفكيرهم أنهم استثمروا وقت وجهد وطاقة كتير في العلاقة وبيستمروا فيها عشان ماعندهمش استعداد يبدأوا رحلة الارتباط من الأول تاني
  
  طب نحاول نعمل إيه عشان نتخلص من العلاقة دي؟

• اعترف بأنك كنت في علاقة توكسيك

• واجه الشخص بكل اللي عمله

• لو هتنهي العلاقة تبقى في مكان عام عشان يكون فيه جزء من الأمان

• ارجع للناس اللي بيحبوك عشان يقدمولك الدعم في الوقت ده

• أمن نفسك ماليًا لو أنت معتمد عليه

• امنع أي وسيلة للتواصل سواء الموبايل أو السوشيال ميديا

• خليك مع متخصص نفسي لو حسيت إنك عايز تعمل ده