محمد الكحلاوي “شيخ المداحين” و “مداح الرسول”

النهاردة ذكرى ميلاد محمد الكحلاوي اللي اتلقب بـ “مداح الرسول”.. اتولد بمنيا القمح محافظة الشرقية وقدم أغاني كتير سابت علامة لحد دلوقتي.. ومن المعلومات اللي مش معروفة عنه إنه بدأ حياته بشغل في السكة الحديد وكمان كان لاعب كرة قدم في أكتر من نادي.. ونيجي لبدايته مع الغناء بإنه اشتغل في الإذاعة سنة 1934 

أعماله الفنية:

1- الأفلام

بدايته في السينما كانت بفيلم “عنتر أفندي” 1935 وبعدها أنشأ شركة انتاج فني اسمها “أفلام القبيلة” وانتجت أفلام زي “ابن الفلاح” وشارك في أفلام بدور بطولة زي “أحكام العرب”

2- الأغاني

بدأ مسيرته بالغناء وكان منها أغاني كتير لأفلام سواء شارك فيها أو كانت مجرد مشاركة بتلحين أغنية أو غناها بنفسه زي:

شرقاوي

ألحان في فيلم “كابتن مصر”

موال الصبر

خلي السيف يقول

3- المدح

وفي عز شهرته جت نقطة التحول واللي كانت في 1951 لما اتجه للغناء الديني وده بعد ما شاف رؤية في المنام وقرر من وقتها يكمل مسيرته وحياته كلها في مدح الرسول.. ومن أعماله في المدح

لأجل النبي

يا قلبي صلي على النبي 

خليك مع الله

نور النبي

نوره دعاني

مدد يا نبي