في مقولة مشهورة كده بتقول “القرآن نزل في السعودية واتقرأ في مصر” وده بسبب القراء المصريين اللي أبدعوا في قراءة وترتيل القرآن زي الشيخ عبد الباسط والشيخ الحصري والشيخ محمد رفعت وغيرهم اللي أصواتهم لسة لحد دلوقتي بتتسمع.

وجنب القراء دول كان فيه بقى قراء ستات أبدعوا زيهم زي الرجالة وكانوا بيرتلوا القرآن بس ده اختفى واحدة واحدة وعلى خطوات كتير.. ولأسباب مختلفة مش ده مكانها.. ودول شوية من اشهر المقرئات المصريات.

الشيخة سكينة حسن

الشيخة منيرة عبده

الشيخة ليلى حسن

الشيخة مبروكة

حتى أم كلثوم.. ليها مقطع وهي بتقرأ قرآن

ودول مش كل الستات اللي كانت بتقرأ قرآن لكن فيه أكتر زي الشيخة كريمة العدلية واللي كانت بتقرأ في الإذاعة والشيخة نبوية النحاس وغيرهم اللي كانوا بيقرأوا في مجالس العزاء.. وفي كتابه “ألحان السماء” بيقول الكاتب محمود السعدني إن كان فيه ستات كتير بتقرأ في المآتم وده كان بسبب إن المصريين كانوا متعودين إن العزاء يكون 3 أيام للرجالة و3 تانيين للستات وفي الأيام المخصصة للستات دي كان العادي إن يبقى مقرئات ستات هما اللي بيقيموا المآتم.

ممكن تختلف أو تكون ضد قراءة الستات في العلن للناس.. لكن اللي أكيد إن ده كان موجود وكمان أصواتهم كانت حلوة.