ملخص لمؤتمر أبل للمطورين بأهم اللي اتقال فيه

النهاردة 10 يونيو 2024 مؤتمر أبل للمطورين WWDC 2024 كان ميعاده السنوي وكالعادة قدم مميزات جديدة في كل منتجات أبل سواء الموبايل أو الآيباد أو النضارة أو الساعة أو الايربودز والألعاب.. وكالعادة بنتابع معاكوا أهم الحاجات اللي تم الإعلان عنها النهاردة في مؤتمر أبل للمطورين: 

تم الإعلان عن نظام VisionOS 2 لنضارة ابل Vision Pro وهو:

1- إنك تقدر تحول الصور العادية لصور 3D باستخدام الذكاء الاصطناعي وتشوفها من مختلف الزوايا من النظارة

2- توصيل النضارة بالـ “ماك بوك” 

3- تغيير حجم الشاشة

4-  الشاشة ممكن تكون عريضة أو تلف حوليك

5- ومميزات جديدة في وضع السفر لو هتستخدمها في الطيارة

6- تقدر توصل للعناصر بس بقلب يدك وتوصل للشاشة والبطارية

والنضارة هتكون متوفرة برا أمريكا بعد 12 يوليو خصوصا في الصين واليابان وكندا وفرنسا وألمانيا  

وتم الإعلان كمان عن نظام iOS 18 ومزايا الشاشة الرئيسية.. والمميزات هي:

1- تقدر تتحكم بمكان الايقونات ولونها وتحطها بالوضع الليلي

2- النظام كمان بقى أسرع 

3- وحصل تحديث كمان في مركز التحكم 

4- والكاميرا والفلاش اللي بيظهروا دايما على شاشة القفل في الايفون تقدر تحذفهم وتضيف بدالهم اي اختصارات تانية

5- وبقى تقدر تقفل التطبيقات وتقدر تخفيها 

6- وبقى ممكن كمان يتم توصيل أجهزة الطرف التالت بأجهزة أبل زي الأيربودز بنفس السهولة 

7- وفي الـ IMessage تقدر تجدول الرسايل وتتفاعل معها بالإيموجي.. وتقدر تتحكم بالخطوط وتحط تأثيرات عليها.. ده غير إنك تقدر تستخدمها عبر الأقمار الصناعية لو كنت في مكان مفيهوش انترنت أو إرسال 

8- وتقدر تبعت فلوس من ايفون ل ايفون بمجرد انك تقربهم من بعض عن طريق ميزة اسمها Tap To Cash 

9- وبقى فيه وضع اسمه Games لما تشغله الايفون يضمنلك أفضل أداء للألعاب وأعلى فريمات

10- وتطبيق الصور كمان بقى يصنف الصور بالذكاء الاصطناعي وده هيساعدك تدور على الصور بطريقة أحسن 

أما بالنسبة للتحديثات في الصوتيات بالهوم بود والـ AirPods: 

1- فكانت أهم ميزة هي إنك تقدر ترفض المكالمة من “سيري” عن طريق إنك تحرك رأسك على شكل “لا” وهيكنسل على اللي بيتصل 

2- تحديث ل AirPods بيوفر عزل للصوت عن الازعاج اللي حواليك وده اللي بيساعد على جودة أفضل للاتصالات مع السماعة

أما بالنسبة لتحديثات أبل TV: 

1-  هيكون فيه خلفيات جديدة متحركة وثابتة من صورك نفسها 

2- تقدر لو تتفرج فيلم تشوف تفاصيل عن الممثل وتحتفظ بأي مقطع صوتي من الفيلم 

3- دعم أبعاد جديدة للأفلام بتديك مشاهد سينمائية أكتر

وبالنسبة للتحديثات في ساعة أبل WatchOS: 

1- تقدر تخصص مستواك في التمرين

2- وهيكون فيه تطبيق جديد في الساعة بيديك قياسات كتير للنوم ولحالتك الصحية واسمه “Vitals” 

3- ده غير إنك تقدر تشوف بشكل لحظي مكان سائق أوبر عن طريق الساعة
4- والساعة كمان بتقدر تتعرف على أفضل صورك اللي تناسب إنها تكون مناسبة كواجهة للساعة

وبالنسبة لتحديث نظام الآيباد الجديد “iPadOS 18” فكانت دي أهم مميزاته: 

1- هيكون فيه شريط  فوق بيسهل إنك للقوائم وتقدر تخصصه حسب احتياجك

2- وفي تطبيق الآلة الحاسبة في الايباد في ميزة اسمها الملاحظات الحسابية ودي لما تكتب معادلات حاسبة بتديك الإجابات مباشرة بعد ما تكتب “=” والإجابة كمان بتكون بخط ايد شبه خطك

3- تطبيق الحاسبة بيدعم كمان معادلات صعبة وتقدر تحدد أرقام ثابتة تستخدمها في معادلات كتير ولما تغيرها تتغير في كل المعادلات

4- وتم إضافة طريقة جديدة لفهم خط اليد عبر الذكاء الاصطناعي فمثلا تقدر تنسخ كلام عادي وهو يكتبه بنفس خط يدك

وبالنسبة للتحديثات الجديدة في نظام الماك الجديد  MacOS Sequoia: 

1- فهتقدر تعكس شاشة الايفون بتاعك في الماك وتتحكم فيه من الماك عن بعد

2- وده هيكون حتى لو الموبايل بتاعك مش معاك كمان و في جيبك 

3- الجهاز يقدر يحجم النوافذ حسب المسافة المتاحة

4- ده غير تطبيق الباسورد اللي ممكن تلاقي فيه كل كلمات السر بتاعتك حتى لو من الويندوز

5- وهيكون فيه مزايا جديدة في سفاري اسمها Highlight ودي بتسهل الوصول لمعلوماتك المهمة

6- وهيكون فيه ألعاب جديدة للماك عشان يتم الاستفادة من معالجات الماك 

7- ده غير ميزة جديدة هتسهل للمطورين نقل ألعابهم بين منصات آبل مثلًا ألعاب الماك للآيفون والآيباد

8- وهيكون فيه تعاون بين شركة Ubisoft وألعابها اللي هتبقى موجودة على الماك 

أما بالنسبة للذكاء الاصطناعي فدي أهم التحديثات اللي هتحصل:

1- تقدر تطلب من سيري تدور لك على حاجة شفتها بس مش فاكر شوفتها فين سواء رسالة أو صورة أو ملاحظة.. وسيري هتدور وتعرضهالك 

2- تقدر تطلب من الذكاء الاصطناعي يعدل النص اللي كتبته سواء في الايميل أو الملاحظات أو أي مكان بشكل مدمج في النظام

3- ده غير تلخيص إشعاراتك وإعادة كتابة رسائل البريد بالذكاء الاصطناعي 

4- وتقدر تعمل صور بالذكاء الاصطناعي حسب سياق كلامك

5-  تقدر تصمم إيموجي جديد بالذكاء الاصطناعي

6- ده غير إن معالجة الذكاء الاصطناعي هتتم في جهازك عشان تحافظ على خصوصيتك

7- تقدر تحول رسماتك البسيطة بخط ايدك لصور دقتها أكبر بالذكاء الاصطناعي حتى لو في تطبيقات الملاحظات

8- تقدر تمسح أشخاص أو أشياء من الصور بالذكاء الاصطناعي بمجرد تحديدها

9- وتقدر تدور على حاجات حصلت في الفيديوهات 

10- تقدر تسجل صوت من تطبيق الملاحظات العادي ويديك ملخص للكلام المسجل عبارة عن نص مكتوب 

11- وChatGPT 4o مدمج بشكل رسمي مع سيري

12- وتقدر تسجل المكالمة لكن بيروح تنبيه للطرف الثاني وفي الأخر بيديك ملخص للمكالمة

13- ومميزات الذكاء الاصطناعي الجديد هتتوفر مع أيفون 15 برو وأجهزة الأيباد والماك مع معالج M1