موضوع مايهمكش: حاجات تعملها قبل ما الشتاء يخلص

الشتاء فصل مميز وفيه ناس كتير بتحبه وبتحب الجو البارد والمطر والأجواء المغيمة.. وناس كتير بيبقى عندها روتين وطقوس معينة بيحبوا يعملوها في الموسم ده من السنة.. وبيبقى فيه خطط معينة مناسبة للشتاء أكتر من أي وقت تاني.

ولو أنت من محبي الشتاء فأحنا جمعنالك شوية اقتراحات لحاجات تعملها قبل ما الشتاء يخلص..

1- تجمع صحابك وتجيبوا شوية Snacks وفشار وحاجات حلوة.. وتتفرجوا على سلسلة هاري بوتر لو ماتفرجتوش عليها قبل كده.. أو تعملولها Re-Watch تاني

2- لو بتحب الكاكاو.. فمفيش وقت أنسب من ده إنك تعمل كوباية Hot Chocolate تدفيك بالليل 

3- القراءة في الشتاء بالليل على السرير تحت البطانية ليها طعم تاني لو بتحب القراءة 

4- لو بتحب المسلسلات الأجنبي.. مفيش أنسب من Game of Thrones تتفرج عليه في الشتاء.. مسلسل أجواءه كلها شتوية 

5- لو بتصحى بدري.. ظبط بلاي ليست رايقة لفيروز واعمل فنجان قهوة واشربه في البلكونة

6- ولو انت بتسهر بالليل.. شغل أغنية لأم كلثوم واعمل كوباية شاي رايقة واشربها في البلكونة.. هي البلكونة مقدمناش غيرها

7- لو عندك طاقة شوية.. مفيش أحلى من التمشية بالليل في الشوارع وهي فاضية.. سماعاتك في ودانك.. البلاي ليست اللي بتحبها.. الجاكيت التقيل بتاعك.. واتمشى في الشارع شوية

8- لو عندك طاقة أكتر شوية من التمشية وقادر تروح Gym.. فالرياضة في الشتاء حلوة وهتدفي جسمك وهتحس بطاقة إيجابية كبيرة

9- القعدة على القهوة بالليل مع الشباب في الجو الساقع.. وتطلبوا شاي أو سحلب أو حمص الشام 

10- أو تسيبك من كل اللي فات ده لو مابتحبوش.. وتعمل اللي بيبسطك ويفرحك أيا كان إيه.. عشان أنت تستاهل ده