موضوع مايهمكش: رحلة الكاكاو حول العالم
الكاكاو من أهم المشروبات الشتوية اللي بنحبها عشان بيدفينا ويحتوينا وبيساعدنا نغير المود علشان كده تقديرًا لمجهوداته معانا في الموضوع ده هنقولك قصة الكاكاو وفقا لموقع worldcocoafoundation و arabic.rt و alarabiya
في دراسة ممولة من شركة “Mars” للشيكولاتة شارك فيها 18 عالم من 11 مؤسسة تعليمية لقوا إن أشجار الكاكاو ظهرت لأول مرة من 3600 سنة بعد تحليل جينات الشجرة لتتبع أصلها وتحليل “أمير كوكوا”وهو نوع نادر وناعم من الكاكاو يعرف باسم “Criollo”وكان من أول الكاكاو اللي تم تدجينه ولقوا إن الشجرة تم تدجينها في أمريكا الوسطى من 3600 سنة ولكن الشجرة نشأت في حوض الأمازون قريب من جنوب كولومبيا وشمال الإكوادور.
وظهر الكاكاو في ثقافات مختلفة حول العالم ولكن تم تطويره لأول مرة كمحصول في العديد من ثقافات أمريكا الجنوبية القديمة زي الأزتيك والمايا اللي بيعتبروا الأكثر شهرة بين السكان الأصليين في استخدامه.
وبحسب الأبحاث الحديثة يعود أصل شجرة الكاكاو إلى غابات الأمازون وكان للببغاوات دور مهم في نقل بذورها إلى أميركا الوسطى ده غير إن الباحثين لقوا أدلة على وجود أغذية تحتوي على الكاكاو يعود تاريخها إلى آلاف السنين
وكلمة “chocolate” الحديثة بتتكون من كلمتين في لغة الناهواتل وهي اللغة اللي بيتكلم بيها مجموعة كبيرة من السكان الأصليين
مشتقة من Chocolatl ومعناها الحرفي “الماء الساخن” و”cacahuatl” وبتدل على مشروب طعمه مر مصنوع من الكاكاو وبيتم شربه في الاحتفالات الدينية كمشروب روحاني.
وكانت لحبوب الكاكاو أهمية كبيرة بالنسبة للثقافات المحلية و تم استخدامها كعملة في التجارة وكانت بتمنح للمحاربين كمكافأة بعد المعركة وكمان بيتم تقديما في الأعياد الملكية
ولما صل الغزاة الأسبان للعالم الجديد وبدأوا عملية الغزو والاستعمار وتدمير الثقافات المحلية اكتشفوا قيمة محصول الكاكاو وخلال تواجدهم بأمريكا الوسطى أعجب المغامر الإسباني و-مدمر حضارة الأزتك- “هرنان كورتيس” بالكاكاو اللي بيشربه السكان الأصليين ونقل الكاكاو وطريقة صنعه للبلاط الملكي الإسباني لكن في إسبانيا ماعجبهمش المشروب وتجنب الملوك والأمراء شربه بسبب طعمه المر وعلشان يغيروا فكرتهم عنه
بدأ الرهبان الإسبان يعملوا تغييرات على المشروب الأصلي ويحول طعمه لطعم مسكر فبدلوا المياه باللبن والفلفل والتوابل بالعسل والسكر.
ومن بعدها الكاكاو بقى مشروب مهم عند الإسبان لدرجة إنهم خلوا طريقة صنعه سر وأخفوها عن باقي الأوروبيين لمدة 100 سنة!
ولكن مع الوقت انتشرت الطريقة في بقية أنحاء أوروبا الغربية
وفي سنة 1615م بعد زواج الملكة آن ابنة ملك إسبانيا فيليب الثالث من الملك الفرنسي لويس الثالث عشر انتقلت الوصفة نحو فرنسا ومنها لباقي أوروبا.
وبعدها بريطانيا غرست أشجار الكاكاو في مستعمراتها بالقارة الإفريقية وبعدها في إنجلترا انتشرت في البلاط الملكي
وبقى مشروب خاص بطبقة النخبة وأشادت بيه الطبقات العليا لأانها اعتبرتها مشروب صحي.
ومع بداية الثورة الصناعية لما بدأت الآلات إنتاج مسحوق الكاكاو بشكل أسرع وأسهل وبأسعار معقولة وصلت الشوكولاتة لطبقات مختلفة وحققت انتشار كبير حوالين العالم وبقينا كلنا بنحبها وبنشربها دلوقتي وسط برد الشتاء.
