موضوع مايهمكش: كيف بدأ “غزل البنات”

غزل البنات بيمثل جزء مهم في طفولتنا لما كنا معجبين بألوانه وبننبهر بأشكاله المختلفة واحنا صغيرين وكان من أجمل اللحظات اللي بنستناها لما عمو يعملوا قدامنا ويقعد يشكله ونبقى مستنيينه في لهفة عشان كده في يوم غزل البنات هنقولك إيه قصته وفقا لموقع  nationalgeographic و spunparadise

الحكاية بدأت من زمااان اوي… في إيطاليا في القرن ال 15 قبل ظهور غزل البنات كانوا بيعملوا السكر المغزول عن طريق أن الطباخين بيدوبوا كمية كبيرة من السكر وبعدين يعصروه باستخدام شوكة وبيتم تحريك خيوط منه فوق مقبض المكنسة الخشبية زمان وكانوا بيكونوا أشكال من السكر مابتختلفش كتير عن غزل البنات اللي بناكله دلوقتي.

ولكن بسبب تكلفة السكر الغالية في أوروبا الحديثة ماكانش علاج شعبي لكل الناس يقدروا  يستخدموه كان بس للعائلة المالكة والأغنياء. 

والكاتب تيم ريتشاردسون قال في كتابه “الحلويات: تاريخ الحلوى”

إن الحلويات مش شيء جديد وبيرجع تاريخها للقرن ال15 من وقت ما كان الطباخين الإيطاليين بيعملوا منحوتات وأشكال مبتكرة من السكر المغزول عن طريق إذابة السكر وبعدها سحبه بالشوكة ولف الخيوط الرفيعة.

وفي  كتاب “إليزابيث رافالد” مدبرة المنزل الإنجليزية الخبيرة سنة 1769م وصفت شبكات دهبية وفضية لتغطية اللحوم الحلوة بيتم صنعها عن طريق سحب شراب السكر بسكين وخفقه بطريقة سريعة.

وفي أوائل القرن ال 19 اشتهر الشيف الفرنسي “ماري أنطوان كاريم” بصناعة  طواحين الهوا والنوافير والمعابد والقصور المصنوعة من السكر

لكن البداية الحقيقة لاختراع غزل البنات كانت سنة 1897م اخترع طبيب الأسنان الأمريكي”ويليام موريسون” حلوى القطن بمساعدة صانع الحلويات “جون سي وارتون” وبعد ما صمموها 

حصلوا على براءة اختراع سموها “آلة الحلوى الكهربائية” وكانت عبارة عن وعاء من المعدن جواه رأس دوارة بشكل مركزي وجواها  قطع السكر وفيها فتحات صغيرة وكان الاختراع ده بيشبه لحد كبير آلات غزل البنات الحديثة اللي بنشوفها دلوقتي 

ولفتت الآلة  انتباه الناس لأول مرة في معرض الشراء المعروف باسم “معرض سانت لويس العالمي” في مدينة لويزيانا سنة 1904م

وتم اعتماد مصطلح “حلوى القطن” في العشرينيات من القرن الـ19 وكان  تحت رعاية “جوزيف لاسكو” وهو طبيب أسنان آخر كان ببيع غزل البنات لمرضاه وحاول تحسين الآلة الأصلية اللي ابتكرها موريسون ووارتون ولكن فشل في تطويرها في الأول.

وعلى الرغم من أن لاسكو حصل على الفضل في ابتكار الاسم الحالي لحلوى القطن  إلا أنه للأسف ماحققش نجاح في مجال الحلويات.

وبعدها حاول يعالج المشاكل لحد ما وصل سنة  1949لحل فعال 

لدرجة إن شركة Gold Medal Products of Cincinnati أعتمدته وبتعتبر الشركة من  المنتجين الرئيسيين في العالم لآلات غزل البنات

 في سنة 1951م عملت الشركة الصفقة معاه ولكن بعد ما اخترعت آلة بعد ما عملت شوية تعديلات تخليها تطلع مخروط من الحلوى مدبب تمامًا.

كان عقد العشرينيات من القرن العشرين مهمًا في تاريخ غزل البنات لأن كان ده الوقت اللي بدأت تتسمى فيه باسم “الخيط الخيالي” ولكن بعد التحول الثقافي انتهى الأمر بالاسم اللي صاغه لاسكو.

ولحد دلوقتي غزل البنات بيمثلنا ذكرى جميلة من الطفولة وشكله لوحده في أي مكان قادر يسعدنا ويرجعنا أطفال من تاني.