موضوع مايهمكش: 15 حقيقة عن جوز الهند في يومه العالمي
النهاردة يوم العالمي لجوز الهند .. الفاكهة اللي بترطب علينا وحلوة سواء اتاكلت أو شربناها أو حت لو استخدمناها في مستحضرات تجميل..
عشان كده جمعنالكم 15 حقيقة عنهم وفقًا لمواقع blog.aghires و tovigifts و avaera و cocogoodsco و amazingfactshome
- اكتشاف جوز الهند كان من 2000 سنة
- شجرة جوز الهند عمرها بيوصل 100سنة بس وبتفضل تنتج لحد عمر الـ 80 بس
- موطنه الأصلي في آسيا وتحديدًا في أندونيسيا
- في جزيرة كار نيكوبار سنة 1885 كان جوز الهند بديل العملة
- فيه 100 نوع من أشجار جوز الهند
- قشور جوز الهند بتدخل في صناعة الآلات الموسيقية..زي الطبول والماراكاس والجيتار
- شجرة نخيل جوز الهند الواحدة بتنتج حوالي 180 ثمرة جوز الهند
- في بعض البلدان.. القرود المدربة هي اللي بتحصد محصول جوز الهند
- ماء جوز الهند استخدم لعلاج الجفاف وكبديل للمحلول الملحي بالحقن عن طريق الوريد في الحرب العالمية الثانية
- جوز الهند من الفواكه اللي بتحب الحر وبيتم زراعته في المناطق الاستوائية
- نخلة جوز الهند موجودة على علم جزر المالديف
- زيت الجوز الهند غني بالفيتامينات وبيدخل في مستحضرات التجميل
- جوز الهند ممكن يتاكل زي ماهو أو يتاكل مطبوخ
- ثمرة جوز الهند ممكن تفضل على قيد الحياة لمدة 100 سنة
- بيتم إنتاج حوالي 61 مليون طن من جوز الهند كل عام
