10 خطوات إزاي تتواصل مع الطفل اللي جواك وسط زحمة حياة الكبار

كتبت: علياء عبد الغفار

وسط زحمة “حياة الكبار” ومشاغلها، أحيانا كتير بنفتكر مشاهد من طفولتنا وذكرياتنا القديمة وبنبقى نفسنا نرجع ولو ثواني للذكريات دي ونعيش شوية مع الطفل الصغير اللي جوانا.

جمعنالكم 10 خطوات إزاي تتواصل مع الطفل اللي جواك وسط زحمة حياة الكبار ومشاغلها:

1- تتفرج على أفلام ومسلسلات كانت بتحسسك بالأمان والراحة وأنت صغير

2- تدورعلى حاجات من طفولتك زي صور المدرسة وجوابات بينك وبين صحابك 

3- تطلب من أهلك يحكولك عنك وأنت صغير وتفتكروا مع بعض ذكريات كانت بينكم

4- افتكر اسم برفيوم كنت بتستخدمه كتير وانت صغير وحاول تدور عليه وتجيبه وهيرجعك لايام زمان بمجرد ما تشمه

5- اتكلم مع اخواتك وافتكروا حكايات وإيفيهات سخيفة محدش يعرفها ولا بيفهمها غيركم

6- دور في دفاترك القديمة ممكن تلاقي ورق كنت كاتب فيه أمنياتك زمان وقارنها باللي حققته النهاردة عشان نفسك الصغيرة تكون فخورة بيك

 7- Gatherings دفعة المدرسة اللي كنت معاهم من وأنت في حضانة هتساعدك تنسى هموم حياة الكبار وترجع طفل في ثانية

8- ارجع بيتكم القديم بما إن أغلبنا عزل وسلم على الناس اللي كانت بتشتغل في شارعكم زي الكشك اللي كنت بتروحه وأنت صغير

9- اكتب للطفل اللي جواك جواب احكيله فيه على الحاجات اللي حصلتلك وده هيسهل التواصل بينكم ويساعدك في حياتك دلوقتي

10- زور الأماكن اللي كنت بتخرج فيها وأنت صغير وحاول يكون مع قرايبك اللي كنتوا بتخرجوا فيها سوا