11 معلومة عن قاسم أمين أبرز مناصرين الحركة النسائية
يوم 1 ديسمبر هي ذكرى ميلاد قاسم أمين واللي يعتبر من أهم مناصرين الحركة النسائية في بدايتها في مصر وأهم الأشخاص اللي أثروا فيها.. قاسم أمين كان قاضي ومصلح اجتماعي وكاتب وأديب دعى لتحرير اللغة العربية من التكليف والسجع لكن ماحدش اتفق معاه، مش زي ما اتشهر إنه زعيم الحركة النسائية في مصر بس، ده غير كمان إنه كان بيدافع عن الحرية الاجتماعية وله دعوات كتير لتحقيق العدالة الاجتماعية وأنشاء كمان الجامعة المصرية.
في ذكرى ميلاد قاسم أمين حبينا نقولك أهم معلومات عن قاسم أمين وعن حياته:
1- قاسم أمين مواليد محافظة الإسكندرية واتولد في 1 ديسمبر سنة 1863 ودخل مدرسة رأس التين الابتدائية في الإسكندرية.
2- قاسم أمين خد شهادة الحقوق سنة 1881 واشتغل بعدها في مكتب المحامي التركي مصطفى فهمي اللي كان صديق والده.
3- انضم لجمال الدين الأفغاني واتعرف على الناس اللي كانت حواليه زي محمد عبده وسعد زغلول ومحمد فتحى زغلول وعبد الله النديم وأديب إسحاق.
4- سافر قاسم أمين لفرنسا واتعلم هناك وحب الحياة في أوروبا واتأثر بيها وبالحركة النسائية فيها، وكان في الوقت نفسه في حركات نسائية تانية في أمريكا وإنجلترا.ز
5- بعد ما رجع لمصر اشتغل على قضية تحرير المرأة اللي وقتها اتشهرت جدا وتم انتقاده عليها انتقاد كبير، لإن الناس خلطوا بين دعوته لتحرير المرأة والإنحلال والفجور، بس مابطلش دعوته دي في كتاباته وفضل مكمل رغم الانتقاد.
6- من أهم كتبه كانت “أسباب ونتائج وأخلاق ومواعظ وتبعه بكتاب “تحرير المرأة” اللي اتكلم فيه عن الحجاب وعن تعدد الزوجات وعن الطلاق.
7- قاسم أمين التقي بمحمد عبده وبقى المترجم الخاص بتاعه لما اتنفى لباريس، وكان محمد عبده كان ارتبط اسمه بالإصلاح الاجتماعي وتجديد الفكر الديني وربط مبادئ الدين بقضايا العصر فكانت دعوته في أساسها دعوة للتجديد والمتابعة لمتطلبات العصر.
8- وأصدر كتاب “المرأة الجديدة” سنة 1901 عشان يرد على منتقديه، واللي طالب فيه إنه يتم إقامة تشريع لكفالة المرأة السياسية واداه لصديقة سعد زغلول.
9- من أهم أقواله ” كلما أردت أن أتخيل السعادة تمثلت أمامى فى صورة امرأة حائزة لجمال امرأة وعقل رجل”، وكان أبرز المعارضين له محمد طلعت حرب، وانتقد آراءه فى كتابه “تربية المرأة والحجاب”.
10- كان مهتم بالصلاح الاجتماعي من وقت ما كان شاب وأصدر كتاب اسمه “أسباب ونتائج وأخلاق ومواعظ” سنة 1898 وبعده كتاب “تحرير المرأة” اللي نشره سنة 1899، وتم دعمه من محمد عبده، سعد زغلول وأحمد لطفي السيد اللي ترجمه للغه الانجليزية لما كانوا في مصر، ونشروه في الهند والمستعمرات الإسلامية.
11- توفى قاسم أمين في 23 أبريل سنة 1908 وكان عمره 45 سنة.
