موضوع مايهمكش: 12 نوع من الفوط مهم يبقوا موجودين في كل بيت

تخيلت حياتك في مرة من غير فوط؟ أو حصل مرة وسافرت ونسيت تاخد فوط معاك وشوفت قد إيه هي مهمة؟ الفوط حاجة أساسية في حياتنا وعموما هتلاقي نفسك بتتبسط جدا لما بتجيب فوط جديدة وناعمة وتستخدمها.. لكن اللي مش كل الناس عارفاه إن فيه أنواع كتير للفوط ويمكن بيبقوا أكتر من 10 أنواع مهم يبقوا موجودين في حمامك.

أنواع الفوط هما: 

1- فوط الحمام: 

ودي الفوط اللي حجمها متوسط اللي بيتم استخدمها بعد الحمام واللي هي بتبقى أساسية في أي حمام 

2- فوط أرضية الحمام:

ودي فوطة بتتفرش في أرض الحمام وبتوفر تعب كتير في تنظيف ومسح الحمام لإنها بتمتص المياه اللي يتقع منك بعد الدش، ودي حجمها بيكون على حسب الحمام بتاعك.

3- البشكير:

وهي بتبقى فوطة حجمها أكبر من فوطة الحمام العادية عشان تلف الجسم كله وبتمتص المياه أحسن وبتنشف بسرعة وحجمها بيبقى من 35 لـ 60 بوصة.

4- فوطة الاستحمام:

وهي نوع من الفوط بيتم استخدامها في الاستحمام زي الليفه وخصوصا لغسل الظهر وبتستخدم عشان تشيل الجلد الميت وبتكون مصنوعة من القطن 100% أو من القطن والبوليستر.

5- فوطة الإيدين:

فوطة صغيرة ويمكن متوسطة شوية مهمتها على اسمها وهي لتنشيف الايدين بس بعد ما تغسلها، ومقاسها تقريبا بيبقي حوالي 15* 28 بوصة، وبتتعلق فوق حوض الحمام.

6- فوط تنضيف: 

وهي زي فوطة العربية كده اللي بتبقى موجودة عشان تمسح بيها تابلوه العربية أو تشيل تراب من على أي حاجة في البيت أو تمسح شوية مياه واقعة، ودي فايدتها إنها تخليك تبعد عن استخدام أي فوطة في البيت لأغراض التنضيف.

7- فوط البحر:

وهي فوطة كبيرة برضه وتعتبر مهمة في السفر والبحر وبتكون خفيفة شوية عشان تتنشف بيها أول ما تخرج من البحر وعشان تحطها على جسمك وتحميك من الشمس.

8- فوط الجيم:

ودي فوط بتاخدها معاك الجيم عشان تمسح فيها عرقك من التمرين أو حتى لو بتتمرن في البيت ممكن تستخدمها وبتساعد إن الجسم يبقى أبرد وبيبقى حجمها صغير بس بتبقى أكبر شوية من فوطة الوش.

9- فوطة الأصابع:

ودي فوط صغيرة لتنشيف الايد بسرعة وحجمها صغير وبيتم استخدمها ديكور في الحمام وخصوصا في حمامات الضيوف وممكن تبقى موجودة في المطبخ كمان.

10- فوط الحيوانات الأليفة:

لو كان عندك حيوان أليف في البيت فهضطر تشتري فوطتين كمان زيادة عشان تنشف الحيوانات بعد ما تستحمى وبتساعد الحيوانات تتدفى أكتر ويبقوا أنضف.

11- فوط المطبخ:

وهي فوط شبه فوط الايد اللي في الحمام وهدفها الأساسي هو تنشيف الايد بعد غسيل المواعين في المطبخ وأغلب الناس بتحطها على مقبض الفرن أو غسالة الأطباق.

12- فوط الديكور:

وبتبقى عبارة عن طريقة لتزين الحمام بس عشان يبقى فيه ألوان لطيفة بس مالهاش أي احتياج غير إن ممكن الضيوف ينشفوا ايديهم فيها في حمام الضيوف.