7 حاجات نعملها عشان نواجه الصيف والحر
زي ما انتوا عارفين فصل الصيف بدأ وكل سنة وانتوا طيبين .. والشمس والرطوبة بدأوا شغلهم معانا… وبدأ كمان الصياح عن الحر والعرق والتلزيق
وعشان نواجه الحر وكمان نواجه الصياح ده تعالو نقولكم كام حاجة كده موقع healthshots بينصح بيها تنجدكم من حر الصيف
اختار لبس فضفاض ومايحرركش ويفضل خامات زي الكتان والقطن لأنه مش بتتفاعل مع جسمك وبتدخلك هوا
اشرب مياه.. هنقولها لك بأعلى صوت اشرررررب مياااااه لأنها مفيدة لأجهزة جسمك وجلدك
استحمى وخد دش بارد على الأقل مرتين في اليوم لأن ده هيساعدك على ترطيب جسمك.. ولو مش عشانك فهو عشان خاطرنا
جرب تحط فوطة مبلولة أو فيها ثلج على مناطق النبض الجبهة أو الرقبة أووده هيساعدك على تبريد جسمك بسرعة وهتبقى في غاية السعادة
حاول ماتتعرضش للشمس كتير وخليك في أماكن الظل بقدر الإمكان وإنت عارف إيه اللي الشمس ممكن تعمله فيك مش محتاجة يعني
اشرب حاجات منعشة زي الليمون.. وكل خيار أو بطيخ ساقع هتتبسط وهتبقى أحسن
ابعد عن الحاجات السبايسي.. بلاش عشان هتسخن جسمك وهتبقى أون فاير
