في يومه العالمي… 8 نصايح تحميك من ارتفاع ضغط الدم
زي النهاردة 17 مايو من كل سنة بيتم التوعية من مرض ارتفاع ضغط الدم وده لأن حوالي 1,28 مليار شخص بالغ من الفئة العمرية 30-79 سنة في العالم مصاببن بارتفاع ضغط الدم وبيعيش معظمهم في البلاد المنخفضة والمتوسطة الدخل وفقًا لمنظمة الصحة العالمية…
ارتفاع ضغط الدم حالة مرضية بتحصل لو قيست الضغط ولاقيته (140/90 مليمتر زئبق أو فيما فوق)…
وحوالي 46% من البالغين المصابين بارتفاع ضغط الدم مايعرفوش أنهم مصابين به…وأقل من نص البالغين المصابين (42%) اتشخصوا واتعالجوا…
وفيه توجيه عالمي للتوعية من المرض بتستهدف انخفاض معدل انتشاره بنسبة 33% في الفترة ما بين 2010 و 2030 …
وإحنا النهاردة جايين نقولك شوية نصايح تحافظ بيهم على نفسك من ارتفاع ضغط الدم وفقًا لموقع healthline الطبي:
1- حاول تضيف لنظام أكلك خضراوت وفاكهة ومشتقات الحليب قليلة الدسم وقلل من الدهون المشبَعة والكوليسترول
2- حاول تعمل دايت وتقلل وزنك.. وده لأن الدراسات اثبتت إن ممكن خفض ضغط الدم حوالي 1 ملليمتر زئبقي مع كل كيلو جرام
3- مارس رياضة بشكل منتظم زي المشي.. الجري.. ركوب العجل أو السباحة من 3-4 أيام في الأسبوع لمدة ماتقلش عن 40 دقيقة
4- ابعد عن أي حاجة ممكن توترك أو تخليك قلقان وفكر لحلول تقدر تعالج بيها ضغوط الشغل ومشاكل البيت
5- قلل صوديوم (ملح) في الأكل بمعدل 1500 ملليجرام في اليوم
6- حاول تقلل كافيين وتدخين لأن ليهم تأثير كبير على ارتفاع ضغط الدم
7- نام كويس وحافظ على مواعيد نومك وصحيانك وابعد عن السهر
8- قيس الضغط واطمن على نفسك مرتين في اليوم أو زي مايقولك الدكتور
بنتمى لكم كلكم تعيشوا بسلام في حياة هادية وجميلة بعيدة عن التوتر.. وماتنسوش تهتموا بصحتكم وتحافظوا على نفسكم.
